ମୁମ୍ବାଇ: ଟେଲିଭିଜନର ସବୁଠାରୁ ପପୁଲାର କମେଡି ଶୋ 'ଦ କପିଲ ଶର୍ମା'ରୁ ନବଜ୍ୟୋତ ସିଂହ ସିନ୍ଧୁ ବାହାରିବା ପରେ ଶୋର ଟିଆରପିମାମଲାରେ ଖୁବ୍ କ୍ଷତି ଦେଖିବାକୁ ମିଳିଥିଲା । ଏବେ କିନ୍ତୁ ଦର୍ଶକଙ୍କ ସହ କପିଲ ଶର୍ମାଙ୍କ ପାଇଁ ଖାସ୍ ଖବର ସାମ୍ନାକୁ ଆସିଛି । କପିଲଙ୍କ ଶୋ ପୁଣିଥରେ ଟପ 5ରେ ସାମିଲ ହୋଇଛି । ଯାହାକୁ ନେଇ ଖୁବ୍ ଖୁସି ଅଛନ୍ତି ଶୋ ମେକର୍ସ ।
ନିକଟରେ ବ୍ରଡକାଷ୍ଟ ରିସର୍ଚ୍ଚଅଡିଏନ୍ସ କାଉନ୍ସିଲ (ବିଏଆରସୀ) 2019ର 12ତମ ସପ୍ତାହରେ
(16 ମାର୍ଚ୍ଚରୁ 22 ମାର୍ଚ୍ଚ)ର ରେଟିଙ୍ଗିସ୍ ଜାରି କରିଥିଲା । ଯେଉଁଥିରେ କପିଲଙ୍କ ଶୋକୁ 2.4 ରେଟିଙ୍ଗସ୍ ପାଇ ଚତୁର୍ଥ ସ୍ଥାନରେ ଆସିଯାଇଛି ।
ଜଣାଇ ଦେଉଛୁ 'କପିଲ ଶର୍ମା ସିଜନ-2' ଗତ ବର୍ଷ ଡିସେମ୍ବର 29ରେ ଆରମ୍ଭ ହୋଇଥିଲା । ଏହି ସିଜନକୁ କପିଲଙ୍କ କମବ୍ୟାକ ମଧ୍ୟ କୁହାଯାଉଛି । ଯାହା ପରେ ଏବର୍ଷ ଆରମ୍ଭରେ କପିଲଙ୍କ ଶୋଟି ସଫଳତା ହାସଲ କରିଥିଲା ।
ବି-ଟାଉନର ଭାଇଜାନ ସଲମାନ ଖାନ ଏହାର ପ୍ରଯୋଜନା ଦାୟିତ୍ବ ତୁଲାଇଛନ୍ତି । ଶୋକୁ ନେଇ ପୁରା ଟିମ ଖୁବ୍ ଉତ୍ସାହିତ ଥିଲେ । କିନ୍ତୁ କିଛି ସମସ୍ୟା ପାଇଁ ଶୋର ଟିଆରପି ଖୁବ୍ କମିଯାଇଥିଲା । ପ୍ରକାଶ ଥାଉକି ପୁଲୱାମା ଆକ୍ରମଣରେ ବିବାଦୀୟ ବୟାନ ଦେଇ ଶୋର ଜଜ୍ ନବଜୋତ ବିବାଦ ଘେରରେ ଆସିଯାଇଥିଲେ । ପରେ ତାଙ୍କୁ ଶୋରୁ ବାହାର କରିଦିଆ ଗଲା । ତାଙ୍କ ସ୍ଥାନରେ ଅଭିନେତ୍ରୀ ଅର୍ଚନା ପୁରଣ ସିଂହ ନଜର ଆସିଥିଲେ ।
ଏହି କାରଣ ପାଇଁ ଶୋର ଟିଆରପି କମି ଯାଇ 7ତମ ସ୍ଥାନକୁ ଆସିଯାଇଥିଲା । ଏବେ କିନ୍ତୁ ପୁଣି ଶୋ ନିଜ ସ୍ଥାନକୁ ଫେରିପାରିବାରେ ସଫଳ ହୋଇଛି ।
