ହାଇଦ୍ରାବାଦ: ଲାଲ ଲେହେଙ୍ଗା ସହ ଲାଲ ଚୁଡିରେ ପୁରା ଦୁଲହନ ବେଶରେ ହିନା ଖାନଙ୍କ ଏକ ଫଟୋ ସୋସିଆଲ ମିଡିଆ ରେ ଭାଇରାଲ ହୋଇଛି । କୌଣସି ଗୁରୁଦ୍ବାରାରେ ପ୍ରିୟଙ୍କ ଶର୍ମାଙ୍କ ସହ ହିନା ବିବାହ କରୁଥିବାର ଦେଖିବାକୁ ମିଳିଛି ଏହି ଫଟୋରେ ।
ତେବେ ଏଥିପାଇଁ ଆଶ୍ଚର୍ଯ୍ୟ ହୁଅନ୍ତୁନାହିଁ, ଏକ ମ୍ୟୁଜିକ ଭିଡିଓର ସୁଟିଂ ସମୟର ଏହି ଫଟୋ । ଏଥିରେ ହିନା ଖାନଙ୍କୁ ଦୁଲହନ ବେଶରେ ଦେଖିବାକୁ ମିଳିଛି । ପ୍ରିୟଙ୍କ ଓ ହିନାଙ୍କ ମ୍ୟୁଜିକ ଭିଡିଓ ରାଞ୍ଝଣା ର ସୁଟିଂ ଦିଲ୍ଲୀରେ ଚାଲିଛି । ସେହି ସୁଟିଂ ସମୟରେ ସେଟ ଉପରୁ ଫଟୋ ଭାଇରାଲ ହୋଇଛି ।
ତେବେ ଭିଡିଓକୁ ରାହୁଲ ଶର୍ମା ପ୍ରଯୋଜନା ଦେଉଥିବା ବେଳେ ନିର୍ଦ୍ଦେଶନା ଦେଉଛନ୍ତି କମଳ ଚନ୍ଦ୍ରା । ମ୍ୟୁଜିକ ଦେଇଛନ୍ତି ଅସଦ ଖାନ, ଗୀତ ଲେଖିଛନ୍ତି ରକିବ ଆଲମ ଓ ଗୀତକୁ ଗାଇଛନ୍ତି ଅରଜିତ ସିଂ ।
ତେବେ ହିନା ଏବେ କାନ୍ସ ଫେଷ୍ଟରେ ଯୋଗ ଦେବା ପାଇଁ ଫ୍ରାନ୍ସ ଅଭିମୁଖେ ଯାଇଛନ୍ତି । ସେଠାରେ ତାଙ୍କର ଡେବ୍ୟୁ ଫିଲ୍ମ 'ଲାଇନ୍ସ'ର ପ୍ରଥମ ଥର ସ୍କ୍ରିନିଙ୍ଗ ହେବ ।
