ମୁମ୍ବାଇ: ଛୋଟ ପରଦାରେ ଟିଆରପି ରେଟିଂରେ ସବୁ ସପ୍ତାହରେ ଉତ୍ଥାନ ପତନ ଦେଖିବାକୁ ମଳିଥାଏ । ଏହି ସପ୍ତାହରେ ମଧ୍ୟ ଟିଆରପିରେ ତାଲିକାରେ ଅନେକ ପରିବର୍ତ୍ତନ ଦେଖିବାକୁ ମିଳୁଛି । ଦର୍ଶକଙ୍କୁ ନିରାଶ କଲା ଭଳି ଖବର ସାମ୍ନାକୁ ଆସିଛି । ଟେଲି ଜଗତରେ ସବୁଠାରୁ ପପୁଲାର ଶୋ ତଥା କମେଡି କିଙ୍ଗ କପିଲ ଶର୍ମାଙ୍କ ଶୋ ଏହି ଟିଆରପର ଟପ 10ରେ ନିଜ ସ୍ଥାନ ସ୍ଥାପନ କରିବାରେ ଅସଫଳ ହୋଇଛି । ଯାହାକୁ ନେଇ ଅସନ୍ତୋଷ ମେକର୍ସ ।
ତେବେ ଆସନ୍ତୁ ନଜର ପକାଇବା ଟପ 5 ତାଲିକାରେ ଥିବା ଧାରାବାହିକ ଉପରେ...
ଏହି ସପ୍ତାହର ଟିଆରପି ଲିଷ୍ଟ ଜାରି ହୋଇସାରିଛି । ଆଉ ଏଥର ଟିଭିରେ 'ସୁପରଷ୍ଟାର ସିଙ୍ଗର ସିଙ୍ଗିଂ କା କଲ'ର ଶୋ ଆସିବା ମାତ୍ରେ ଟିଆରପିର ଟପ 5ରେ ସ୍ଥାନ ପାଇବାରେ ସଫଳ ହୋଇଛି । ଏହି ରିୟାଲିଟି ଶୋ ନିଜ ଡେବ୍ୟୁ ସପ୍ତାହରେ ଅନେକ ବଡ ଶୋକୁ ପଛରେ ପକାଇଦେଇଛି ।
ସବ ଟିଭିରେ ଲୋକପ୍ରିୟ କମେଡି ଶୋ 'ତାରଖ ମେହେତା ଉଲ୍ଟା ଚଷମା' ସବୁଥର ପରି ଏଥର ମଧ୍ୟ ଟପ 5ରେ ସ୍ଥାନ ପାଇଛି ।
ଟେଲିଭିଜନରେ ସ୍ମୃତି ଝା ଓ ସବ୍ବୀର ଆହଲୁୱାଲିୟାଙ୍କ ଶୋ 'କୁମକୁମ ଭାଗ୍ୟ' ଗତ ଟିଆରପି ଲିଷ୍ଟରେ ଯେଉଁଠାରେ ଦ୍ବିତୀୟ ସ୍ଥାନରେ ଥିଲା, ଏବେ ଏହି ଶୋ ତୃତୀୟ ସ୍ଥାନକୁ ଆସିଯାଇଛି ।
ସେହିପରି ଗତ ସପ୍ତାହର ଟିଆରପି ଲିଷ୍ଟରେ ଚତୁର୍ଥ ସ୍ଥାନରେ ଥିବା 'କୁଣ୍ଡଲୀ ଭାଗ୍ୟ' ଏଥର ଦ୍ବିତୀୟ ସ୍ଥାନକୁ ଆସିଯାଇଛି ।
ଅନ୍ୟପଟେ ଷ୍ଟାର ପ୍ଲସରେ ପ୍ରସାରିତ ହେଉଥିବା ଶୋ 'ୟେ ରିସ୍ତା କ୍ୟା କହଲାତା ହେ' ନିଜ ଦମଦାର କାହାଣୀ ଜରିଆରେ ଦର୍ଶକଙ୍କ ମନ କିଣିବା ସହ ପ୍ରଥମ ସ୍ଥାନ ହାସିଲ କରିବାରେ ସଫଳ ହୋଇଛି ।
