ଭୁବନେଶ୍ବର: ବିଗ ବି ଅମିତାଭ ବଚ୍ଚନଙ୍କ ରିୟାଲିଟି ଶୋ କୌନ ବନେଗା କରୋଡପତି(କେବିସି) ସିଜନ 11ରେ ଏଥର ନଜର ଆସିବାକୁ ଯାଉଛନ୍ତି କିଟ, କିସ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଅଚ୍ୟୁତ ସାମନ୍ତ । ସେ ଅମିତାଭ ବଚ୍ଚନଙ୍କ ସହ ହଟ ସିଟ ସେୟାର କରି ବହୁତ ଉତ୍ସାହିତ ଅଛନ୍ତି । ଆଗାମୀ ଏପିସୋଡରେ ଅଚ୍ୟୁତଙ୍କୁ ପ୍ରଶ୍ନ ପଚାରିବେ ବିଗ ବି ।
ଯାହାର ସୁଟିଂ ନିକଟରେ ଶେଷ ହୋଇସାରିଛି । ଅଚ୍ୟୁତଙ୍କ ଏହି ଏପିସୋଡ ଆସନ୍ତା 15ରେ ପ୍ରସାରିତ ହେବାକୁ ଯାଉଛି । ଏହି ଶୋରେ ଅଚ୍ୟୁତ ବଲିଉଡର ଚୁଲବୁଲି ଅଭିନେତ୍ରୀ ତାପସି ପନ୍ନୁଙ୍କ ସହ ମିଶି ଡୁଏଟ ମ୍ୟାଚ ଖେଳିବେ। ଯାହା ବି ଟଙ୍କା ସେ କେବିସିରୁ ଜିତିବେ ତାକୁ ସମାଜର ହିତ କାର୍ଯ୍ୟରେ ଲଗାଇବେ ବୋଲି ଶୁଣିବାକୁ ମିଳୁଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
