ଭୂବନେଶ୍ବର: ରାଜ୍ୟରେ 6ଟି ଲୋକସଭା ଏବଂ ଏହା ଅଧିନସ୍ଥ 42 ବିଧାନସଭା ପାଇଁ ହୋଇଯାଇଛି ଭୋଟ ଗ୍ରହଣ । ଯାହା ମଧ୍ୟରେ ରହିଛି ଭୁବନେଶ୍ବର । ମତଦାନ କରିବାକୁ ନେଇ ଭୋଟରଙ୍କ ମଧ୍ୟରେ ଦେଖାଥିଲା ଖୁବ୍ ଉତ୍ସାହ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ନିର୍ବାଚନରୁ ବାଦ ପଡିନାହାଁନ୍ତି ଓଲିଉଡ ଷ୍ଟାର୍ସ । ଭୋଟ ଦେବାକୁ ଭିନ୍ନ ଭିନ୍ନ ବୁଥରେ ପହଞ୍ଚିଯାଇଥିଲେ ଷ୍ଟାର୍ସ । ନିଜର ବ୍ୟସ୍ତ ବହୁଳ ଜୀବନ ଭିତରୁ ନିର୍ବାଚନ ପର୍ବରେ ସାମିଲ ହୋଇଛନ୍ତି ଅନେକ ଓଲିଉଡର ଅଭିନେତା ଓ ଅଭିନେତ୍ରୀ ।
ଅଭିନେତାଙ୍କ ମଧ୍ୟରେ ଚକଲେଟ ହିରୋ ସବ୍ୟସାଚୀ ବୁଥ ବନ୍ଦ ହେବା ସମୟରେ ପହଞ୍ଚି ନିଜର ମତଦାନ ଦୋଇଥିଲେ । ଏହାସହ ସେ ସବୁ ଭୋଟରକୁ କହିଛନ୍ତି ଯେ ଭୋଟ ସମସ୍ତଙ୍କୁ ଦେବା କଥା ଆଉ ଆମ ସ୍ମାର୍ଟ ସିଟିରେ ନିର୍ବାଚନୀ ପ୍ରତିଶତ କମୁଛି ଯାହା କି ସବୁଠାରୁ ବଡ଼ ଦୁଃଖର କଥା । ତେଣୁ ସମସ୍ତେ ନିଜ ନିଜ କାମରୁ ସମୟ ବାହାର କରି ଭୋଟ ଦିଅନ୍ତୁ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
