ମୁମ୍ବାଇ: ବଲିଉଡ ସିରିୟଲ କିସର ଇମରାନ ହାସମୀଙ୍କ ପାଖରେ ଏବେ ଅନେକ ପ୍ରୋଜେକ୍ଟ ଅଛି । ସେ ଅନେକ ଫିଲ୍ମରେ ସାଇନ ମଧ୍ୟ କରିସାରିଛନ୍ତି । ବିଗ-ବି ଅମିତାଭ ବଚ୍ଚନଙ୍କ ସହ ମିଷ୍ଟ୍ରି ଥ୍ରିଲର ଫିଲ୍ମ ସାଇନ କରିସାରିବା ପରେ ଏବେ ଇମରାନଙ୍କ ହାତରେ ଆଉ ଏକ ଫିଲ୍ମ ଲାଗିଛି । ଶୁଣିବାକୁ ମିଳୁଛି ଯେ ଇମରାନ ମଲୟାଲମ ସୁପରନେଚୁରାଲ ଥ୍ରିଲର ଫିଲ୍ମ 'ଏଜ୍ରା'ର ହିନ୍ଦୀ ରିମେକ ଫିଲ୍ମରେ ନଜର ଆସିବେ ।
ଏହି ଫିଲ୍ମର ନିର୍ଦ୍ଦେଶନା ଦାୟତ୍ବ ତୁଲାଇବେ କୃଷ୍ଣନ । ଅନ୍ୟପଟେ ଫିଲ୍ମର ନିର୍ମାଣ ଭୂଷଣ କୁମାର, କୁମାର ମଙ୍ଗତ ପାଠକ, କୃଷ୍ଣା ଓ ଅଭିଷେକ ପାଠକ ଦ୍ବାରା କରାଯିବ । ଫିଲ୍ମର ସୁଟିଂ ମୁମ୍ବାଇ ଏବଂ ମରିସିଅସରେ କରାଯିବ ।
ଫିଲ୍ମ 'ଏଜ୍ରା' ମଲୟାଲମ ଫିଲ୍ମ 2017ରେ ରିଲିଜ ହୋଇଥିଲା । ଫିଲ୍ମର ସୁଟିଂ କୋଚ୍ଚୀ ଏବଂ ଶ୍ରୀଲଙ୍କାରେ ହୋଇଥିଲା । ଫିଲ୍ମ ଆୟ ମାମଲାରେ 50 କୋଟିରୁ ଅଧିକା ଆୟ କରିଥିଲା ।
ଇମରାନ ନିକଟରେ ହ୍ବାଇ ଚିଟ୍ ଇଣ୍ଡିଆରେ ନଜର ଆସିଥିଲେ । ଫିଲ୍ମଟି ବକ୍ସ ଅଫିସରେ କିଛି ଖାସ କମାଲ କରିପାରିନଥିଲା । ଏଜ୍ରା ଫିଲ୍ମ ବ୍ୟତୀତ ଇମରାନ ଆଉ ଏକ ଫିଲ୍ମରେ ସାଇନ କରିଛନ୍ତି । ଏହି ଫିଲ୍ମରେ ସେ ପ୍ରଥମଥର ଅମିତାଭଙ୍କ ସହ ସ୍କ୍ରିନ ସେୟାର କରୁଥିବାର ନଜର ଆସିବେ ।
