ମୁମ୍ବାଇ: ଆଉ ନାହାନ୍ତି ପ୍ରଖ୍ୟାତ ସଙ୍ଗୀତ ନିର୍ଦେଶକ ୱାଜିଦ ଖାନ । ମ୍ୟୁଜିକ କମ୍ପୋଜର ସାଜିଦ-ୱାଜିଦଙ୍କ ଯୋଡି ବଲିଉଡରେ ଅନେକ ଚଳଚ୍ଚିତ୍ରରେ ଗାଇଛନ୍ତି । କିନ୍ତୁ ୱାଜିଦ ଖାନ ଦୁନିଆକୁ ଅଲବିଦା କହିବା ସହ ବର୍ତ୍ତମାନ ଏହି ଯୋଡି ଭାଙ୍ଗିଯାଇଛି ।
ୱାଜିଦ୍ ଖାନ୍ ଜଣେ ଗାୟକ ଭାବରେ ଚଳଚ୍ଚିତ୍ର ଇଣ୍ତଷ୍ଟ୍ରିରେ ଅନେକ ହିଟ ଗୀତରେ ସ୍ୱର ଦେଇଥିଲେ । ଏଥିରେ ସଲମାନ ଖାନଙ୍କ ଫିଲ୍ମ ଦବଙ୍ଗ, ଜୟ ହୋ ଏବଂ ଅକ୍ଷୟ କୁମାରଙ୍କ ଫିଲ୍ମ ରାଉଡି ରାଠୋଡ ଏବଂ ଅନ୍ୟାନ୍ୟ ବଲିଉଡ ଚଳଚ୍ଚିତ୍ର ମଧ୍ୟ ଅନ୍ତର୍ଭୁକ୍ତ ।
ୱାଜିଦଙ୍କ ମୃତ୍ୟୁରେ ସାରା ବଲିଉଡ ଜଗତରେ ଶୋକର ଛାୟା ଖେଳି ଯାଇଥିବା ବେଳେ ତାଙ୍କ ଫ୍ୟାନ୍ସ ମାନେ ମଧ୍ୟ ଶୋକ ପ୍ରକାଶ କରିଛନ୍ତି ।
ୱାଜିଦ୍ ଖାନ ତାଙ୍କ ଗୀତ ମାଧ୍ୟମରେ ସମସ୍ତଙ୍କ ହୃଦୟରେ ସର୍ବଦା ମନେ ରହିବେ ।
