ମୁମ୍ବାଇ: ବଲିଉଡ଼ ଅଭିନେତା ବିଦ୍ୟୁତ ଜମୱାଲ ଫ୍ୟାସନ ଡିଜାଇନର ନନ୍ଦିତା ମହତାନିଙ୍କ ସହିତ ନିର୍ବନ୍ଧ କରିଛନ୍ତି । ଏହି କମାଣ୍ଡୋ ଆକ୍ଟର ନିଜ ଇନଷ୍ଟାଗ୍ରାମ ଆକାଉଣ୍ଟରେ ମହତାନିଙ୍କ ସହ ଫଟୋ ସେୟାର କରି ଏ ସମ୍ପର୍କରେ ସୂଚନା ଦେଇଛନ୍ତି । ତେବେ ସେମାନେ ଚଳିତ ମାସ ଉଭୟଙ୍କ ଜୀବନ ସାଥୀ ଭାବେ ବାଛିଥିବା କହିଛନ୍ତି ।
ବିଦ୍ୟୁତ ସେୟାର କରିଥିବା ପ୍ରଥମ ଫଟୋରେ ଉଭୟ ଏକ ପାହାଡ଼ ଉପରେ ଚଢୁଥିବା ବେଳେ ଅନ୍ୟ ଏକ ଫଟୋରେ ଉଭୟ ତାଜମହଲ ସାମନାରେ ପରସ୍ପରର ହାତ ଧରିଥିବା ଦେଖିବାକୁ ମିଳିଛି । ଏହି ଫଟୋ ସେୟାର କରି ଏହି ୪୦ ବର୍ଷୀୟ ଅଭିନେତା ନିର୍ବନ୍ଧ ତାରିଖକୁ ଲେଖିଛନ୍ତି । ତେବେ ସେମାନେ ସେପ୍ଟେମ୍ବର ୧ ତାରିଖରେ ନିର୍ବନ୍ଧ କରିଥିବା ଜଣାପଡ଼ିଛି ।
ତେବେ ମହତାନିଙ୍କୁ ମଧ୍ୟ ୪୦ ବର୍ଷ ବୟସ ହୋଇଥିବା ବେଳେ ସେ ମଧ୍ୟ ସମାନ ଫଟୋ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ବିଦ୍ୟୁତଙ୍କୁ ଜୀବନ ସାଥୀ ଭାବେ ବାଛିବା ପାଇଁ ସେ ଅଧିକ ସମୟ ନେଇପାରିଲେନି ଓ ପରିଶେଷରେ ତାଙ୍କୁ ବିବାହ ପାଇଁ ହଁ ଭରିଥିବା ସେ କ୍ୟାପସନରେ ଲେଖିଛନ୍ତି । ଏହାସହିତ ନିର୍ବନ୍ଧ ତାରିଖକୁ ମଧ୍ୟ ସେ କ୍ୟାପସନରେ ଲେଖିଛନ୍ତି । ତେବେ ସୂଚନା ଥାଉ କି ବିଦ୍ୟୁତ ଆଗକୁ 'ସନକ୍' ଓ 'ଖୁଦା ହାଫିଜ ଚାପ୍ଟର-୨'ରେ ନଜର ଆସିବାକୁ ଯାଉଛନ୍ତି ।
@PTI
