ହାଇଦ୍ରାବାଦ: ସିଦ୍ଧାର୍ଥ ମଲହୋତ୍ରାଙ୍କ ଫିଲ୍ମ ‘ଶେରଶାହ’ର ଟ୍ରେଲର 25 ଜୁଲାଇ ରବିବାର ଦିନ ରିଲିଜ ହୋଇଛି । ଏହି ଫିଲ୍ମଟି 1999 ରେ କାର୍ଗିଲ ଯୁଦ୍ଧରେ ଶହୀଦ ହୋଇଥିବା କ୍ୟାପଟେନ ବିକ୍ରମ ବତ୍ରାଙ୍କ ଜୀବନୀ ଉପରେ ଆଧାରିତ । ସିଦ୍ଧାର୍ଥ ଏହି ଚଳଚ୍ଚିତ୍ରରେ ବିକ୍ରମ ବତ୍ରା ଭୂମିକାରେ ନଜର ଆସିଛନ୍ତି । 15 ଅଗଷ୍ଟ 1999 ରେ ଭାରତ ସରକାରଙ୍କ ଦ୍ବାରା କ୍ୟାପ୍ଟେନ ବିକ୍ରମ ବତ୍ରାଙ୍କୁ ମରଣୋତ୍ତର ପରମବୀର ଚକ୍ର ପ୍ରଦାନ କରାଯାଇଥିଲା ।
ଚଳଚିତ୍ର ନିର୍ମାତା କାର୍ଗିଲ ବିଜୟ ଦିବସ ଅବସରରେ ଫିଲ୍ମ ‘ଶେରଶାହ’ ର ଟ୍ରେଲର ରିଲିଜ କରିଛନ୍ତି । ଟ୍ରେଲରରେ କ୍ୟାପଟେନ ବିକ୍ରମ ବତ୍ରାଙ୍କ ଜୀବନ ଏବଂ ସାହସିକତା ଦେଖିବାକୁ ପାଇବେ ଦର୍ଶକ । ଟ୍ରେଲରରେ ଶହୀଦ ବିକ୍ରମ ବତ୍ରା କିପରି ପାକିସ୍ତାନୀ ସେନାକୁ ଧ୍ବଂସ କରିଥିଲେ ତାହା ଦେଖିବାକୁ ମିଳିଛି।
- " class="align-text-top noRightClick twitterSection" data="">
୩ ମିନିଟରେ ଏହି ଟ୍ରେଲରେ ସବୁଠାରୁ ବେଶି ଆକର୍ଶିତ କରିଛି ସିଦ୍ଧାର୍ଥ ମହ୍ଲୋତ୍ରାଙ୍କ ଡାଇଲଗ । ‘ୟା ତୋ ତିରଙ୍ଗା ଲହରା କେ ଆଉଙ୍ଗା, ୟା ତିରଙ୍ଗେ ମେ ଲିପଟ କର ଆଉଙ୍ଗା, ଲେକିନ ଆଉଙ୍ଗା ଜରୁର’ ଓ ‘ଦିଲ ମାଙ୍ଗେ ମୋର’ ଆପଣଙ୍କ ମନକୁ ଛୁଇଁ ଯିବ । ଟ୍ରେଲର ଲୋକଙ୍କୁ ବେଶ୍ ପସନ୍ଦ ଆସିଛି ଆଉ ଫିଲ୍ମକୁ ଅପେକ୍ଷା କରିଥିବା ଫ୍ୟାନ୍ସ ବି କହୁଛନ୍ତି ‘ଦିଲ ମାଙ୍ଗେ ମୋର୍’ ।
ବିଷ୍ଣୁ ବର୍ଦ୍ଧନଙ୍କ ନିର୍ଦ୍ଦେଶିତ ଫିଲ୍ମ ‘ଶେରଶାହ’ ରେ ସିଦ୍ଧାର୍ଥ ମଲହୋତ୍ରାଙ୍କ ସହ କିଆରା ଆଡଭାନୀ ମଧ୍ୟ ମୁଖ୍ୟ ଭୂମିକାରେ ନଜର ଆସୁଛନ୍ତି । ଫିଲ୍ମଟି ସ୍ବାଧୀନତା ଦିବସ ପୂର୍ବରୁ ଅଗଷ୍ଟ 12 ରେ OTT ପ୍ଲାଟଫର୍ମ ଆମାଜନ ପ୍ରାଇମରେ ରିଲିଜ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
