ଭୁବନେଶ୍ବର: ଓଡିଶାର ବିଜୟ । ତେଲୁଗୁ ସିନେମାରୁ ହଟିଲା ଭୁଲ ତଥ୍ୟ । 1846ର ଆନ୍ଧ୍ରପ୍ରଜା ମେଳୀକୁ ପ୍ରଥମ ଇଂରେଜ ବିରୁଦ୍ଧ ଆନ୍ଦୋଳନ ଭାବେ ତେଲୁଗୁ ଫିଲ୍ମ ସାଏରା ନରସିହ୍ମା ରେଡ୍ଡିରେ ଚିତ୍ରଣ କରାଯାଇଥିଲା । ଯାହାକୁ ନେଇ ଓଡିଶାରେ ବିଦ୍ରୋହ ହୋଇଥିଲା କାରଣ 1817 ଖୋର୍ଦ୍ଧାର ପାଇକ ବିଦ୍ରୋହ ପ୍ରଥମ ଇଂରେଜ ବିରୁଦ୍ଧ ଆନ୍ଦୋଳନ ଥିଲା ।
ରାଜନେତା ସମେତ ଓଡିଶାବାସୀ ଏହାକୁ ନେଇ ବିରୋଧ ପ୍ରଦର୍ଶନ କରିଥିଲେ । ଶେଷରେ ସେଣ୍ଟ୍ରାଲ ବୋର୍ଡ ଅଫ ଫିଲ୍ମ ସର୍ଟିଫିକେଟ(CBFC) ‘ସାଏରା ନରସିଂହା ରେଡ୍ଡି’ର ପ୍ରଯୋଜକଙ୍କୁ ଫିଲ୍ମର କେତୋଟି ଦୃଶ୍ୟ କାଟିବାକୁ ନିର୍ଦ୍ଦେଶ ଦେଇଛନ୍ତି । ପ୍ରଥମ ବିଦ୍ରୋହ ବୋଲି ଦାବି କରୁଥିବା ଏହି ଫିଲ୍ମର ଦୃଶ୍ୟକୁ ହଟାଯାଇଛି ।
ତେବେ ଫିଲ୍ମଟି ଅକ୍ଟୋବର 2ରେ ଚାରୋଟି ଭାଷାରେ ରିଲିଜ ହେବ । ତେଲୁଗୁ, ହିନ୍ଦି, ତାମିଲ ଓ ମାଲୟଲାମ ଭାଷାରେ ପୁରା ଦେଶରେ ରିଲିଜ କରାଯିବ । ଏଥିରେ ଚିରଞ୍ଜୀବିଙ୍କ ସମେତ ଅମିତାଭ ବଚ୍ଚନ, ନୈନତାରା, ତମ୍ମନା, ବିଜୟ ସେଥୁପତି, କିଚ୍ଚା ସୁଦୀପ ଆଦି ନଜର ଆସିବେ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
