ଭୁବନେଶ୍ବର: ଦେବକୀ ଫିଲ୍ମ ଓ ମାଝୀ ଏଣ୍ଟରଟେନମେଣ୍ଟର ତୃତୀୟ ଅବଦାନ ଫିଲ୍ମ ‘ତୁ ଲୈଲା ମୁ ମଜନୁ’ର ଶୁଭ ମହୁରତ ଭୁବନେଶ୍ବର ସ୍ଥିତ ସାମ୍ବାଦିକ ଭବନରେ ଅନୁଷ୍ଠିତ ହୋଇଛି । ଫିଲ୍ମଟି ତ୍ରିକୋଣୀୟ ପ୍ରେମ କାହାଣୀକୁ ନେଇ ପ୍ରସ୍ତୁତ କରାଯାଇଥିବା ବେଳେ ତୃତୀୟ ଥର ଏକାଠି ହେବେ ଅଭିନେତା ଦେବରାଜ ଓ ଅଭିନେତ୍ରୀ ଚିନ୍ମୟୀ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ତେବେ ଫିଲ୍ମରେ ପ୍ରଥମ ଥର ଛତିଶଗଡ ଅଭିନେତ୍ରୀ ଆନିକ୍ରିତ ନଜର ଆସିବେ । ଆଗରୁ ଦେବରାଜ ଓ ଚିନ୍ମୟୀ ଦୁଇଟି ଫିଲ୍ମ ‘ତୋ ପ୍ରେମରେ ପଡିଲା ପରେ’ ଓ ‘ଚାଲ ଟିକେ ପ୍ରେମ କରିବା’ରେ ଏକାଠି କାମ କରିସାରିଛନ୍ତି । ଦର୍ଶକ ତାଙ୍କ ଯୋଡିକୁ ପସନ୍ଦ ମଧ୍ୟ କରିଛନ୍ତି ।
ଫିଲ୍ମକୁ ନିର୍ଦ୍ଦେଶନା ଦେବେ ଏସ ଦିଲ୍ଲୀପ ପଣ୍ଡା ଓ ପ୍ରଯୋଜନା ଭାର ସମ୍ଭାଳିବେ ଚିନ୍ମୟୀ ପ୍ରିୟଦର୍ଶିନୀ ଓ ରୋହିତ ମାଝୀ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
