ଭୁବନେଶ୍ବର: ଖୁବଶୀଘ୍ର ରିଲିଜ ହେବାକୁ ଯାଉଛି ଓଡ଼ିଆ ଚଳଚ୍ଚିତ୍ର 'ସେଲଫିସ ଦିଲ' । ଏହି ଚଳଚ୍ଚିତ୍ରଟି ଆସନ୍ତା ବାହୁଡାରେ ପରଦାରେ ରିଲିଜ ହେବ । ଚଳଚ୍ଚିତ୍ରରେ ନଜର ଆସିବେ ଓଲିଉଡର ୟଙ୍ଗ ଡାଇନାମାଇକ ଅଭିନେତ୍ରୀ ସୂର୍ଯ୍ୟମୟୀ । ଆଉ ପ୍ରଥମଥର ତାଙ୍କ ସହ ଚଳଚ୍ଚିତ୍ରରେ ରୋମାନ୍ସ କରୁଥିବାର ଦେଖାଯିବେ ନବାଗତ ଶ୍ରେୟାନ । 'ସେଲଫିସ ଦିଲ’ ଚଳଚ୍ଚିତ୍ର ଜରିଆରେ ଓଲିଉଡରେ ପଦାର୍ପଣ କରିବାକୁ ଯାଉଛନ୍ତି ଶ୍ରେୟାନ ।
ଏହି ଚଳଚ୍ଚିତ୍ରର ନିର୍ଦ୍ଦେଶକ ବସନ୍ତ ସାହୁ କରିଥିବା ବେଳେ ପ୍ରଯୋଜନା ଦାୟିତ୍ବ ସମ୍ଭାଳିଛନ୍ତି ହେମନ୍ତ ନାୟକ । ଅନ୍ୟପଟେ ସୂର୍ଯ୍ୟମୟୀ ଓଡ଼ିଆ ଚଳଚ୍ଚିତ୍ର ସହ ସେ ତେଲୁଗୁ ଚଳଚ୍ଚିତ୍ରରେ ମଧ୍ୟ ଅଭିନୟ କରିସାରିଛନ୍ତି । ଚଳଚ୍ଚିତ୍ର ରିଲିଜ ପୂର୍ବରୁ ଏହି ଯୋଡି ଇଟିଭି ଭାରତକୁ ଏକ ସ୍ବତନ୍ତ୍ର ସାକ୍ଷାତକାର ଦେଇଛନ୍ତି ।
ଏହି ସାକ୍ଷାତକାରେ ଶ୍ରେୟାନ ଓ ସୂର୍ଯ୍ୟମୟୀ ଚଳଚ୍ଚିତ୍ରକୁ ନେଇ ଅନେକ କଥାର ଖୁଲାସା କରିଛନ୍ତି । ଚଳଚ୍ଚିତ୍ରରେ ରୋମାନ୍ସ ରହିବା ସହ ଆକ୍ସନ ସିନ ମଧ୍ୟ ଦେଖିବାକୁ ପାଇବେ ଦର୍ଶକ । ଖାଲି ଏତିକି ନୁହେଁ ଚଳଚ୍ଚିତ୍ର ଦର୍ଶକଙ୍କ ମନ କିଣିବ ବୋଲି ଆଶା କରୁଛନ୍ତି ସୂର୍ଯ୍ୟମୟୀ ଓ ଶ୍ରେୟାନ । ଆପଣ ମଧ୍ୟ ଦେଖନ୍ତୁ ମଜାଦାର ସାକ୍ଷାତକାର...
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
