ମୁମ୍ବାଇ: ପୁରା ବିଶ୍ବରେ କୋରୋନା ଭାଇରସ ତାଣ୍ଡବ। ଲକ୍ଷରୁ ଅଧିକ ଏହି ସଂକ୍ରମଣରେ ସଂକ୍ରମିତ ହୋଇ ସାରିଲେଣି। ଆଉ ଅନେକ ଲୋକଙ୍କ ଜୀବନ ମଧ୍ୟ ଚାଲିଗଲାଣି। ସେଲିବ୍ରିଟିଙ୍କ ମଧ୍ୟରେ ଏହାକୁ ନେଇ ଆତଙ୍କ ଦେଖିବାକୁ ମିଳୁଛି। କନିକା କପୁର, କରୀମ ମେରାନୀ, ପୂର୍ବ କୋହିଲଙ୍କ ପରେ ଏବେ ନୂଆ ମାମଲା ସାମ୍ନାକୁ ଆସିଛି।
ସାଉଥର ପପୁଲାର ଅଭିନେତ୍ରୀ ଶ୍ରିୟା ସରନ ଏକ ଆଶ୍ଚର୍ଯ୍ୟକର ଖୁଲାସା କରିଛନ୍ତି। ସେ ଜଣାଇଛନ୍ତି ଯେ ତାଙ୍କ୍ ସ୍ବାମୀ ଅଣ୍ଡ୍ରୋଇ କୋସଚିଭଙ୍କ ମଧ୍ୟରେ କୋରୋନା ଲକ୍ଷଣ ଦେଖାଦେଇଥିଲା। ଯାହାପରେ ସେ ସ୍ବାମୀଙ୍କୁ ନେଇ ମେଡିକାଲ ଯାଇଥିଲେ। ହେଲେ ସେଠାରେ ଉପସ୍ଥିତ ଥିବା କିଛି ଡାକ୍ତର ଦୁଇଜଣଙ୍କୁ ବିନା ଚିକିତ୍ସାରେ ଘରକୁ ଫେରିଯିବାକୁ କହିଥିଲେ ।
ହେଲେ ଏବେ ଚିନ୍ତା କରିବାର କୌଣସି କଥା ନାହିଁ। କାରଣ ପୂର୍ବ ଅପେକ୍ଷା ତାଙ୍କ ସ୍ବାମୀ ବର୍ତ୍ତମାନ ସୁସ୍ଥ ଅଛନ୍ତି ବୋଲି ସେ କହିଛନ୍ତି। ପ୍ରକାଶ ଥାଉକି ଶ୍ରିୟା ଓ ଅଣ୍ଡ୍ରୋଇଙ୍କ ବିବାହ 2018ରେ ହୋଇଥିଲା । ବିବାହ ପରଠୁ ଶ୍ରିୟା ସ୍ପେନରେ ଅଛନ୍ତି।
