ମୁମ୍ବାଇ: ବିଗ ବସ-4ର ପୂର୍ବତନ ପ୍ରତିଯୋଗୀ ତଥା ପାକିସ୍ତାନୀ ଅଭିନେତ୍ରୀ ବୀଣା ମଲିକ ଭାରତର ଚନ୍ଦ୍ରଯାନ-2 ବିଷୟରେ ଏକ ଘୃଣିତ ଟିପ୍ପଣୀ କରି ମଜାକ ଉଡାଇଛନ୍ତି । ଯାହାକୁ ନେଇ ବର୍ତ୍ତମାନ ସେ ସୋସିଆଲ ମିଡିଆରେ ଚର୍ଚ୍ଚାକୁ ଆସିଛନ୍ତି । ସେ ସେପ୍ଟେମ୍ବର 7ରେ ଟ୍ବିଟରରେ ଏକ ପୋଷ୍ଟ କରି ଭାରତର ଏଭଳି ପଦକ୍ଷେପକୁ କଟାକ୍ଷ କରିଥିଲେ । ଯେଉଁଦିନ ଚନ୍ଦ୍ରଯାନ-2ର ଲ୍ୟାଣ୍ଡର ବିକ୍ରମ ସହ ଇସ୍ରୋର ଯୋଗାଯୋଗ ବିଚ୍ଛିନ୍ନ ହୋଇଥିଲା ।
ଏହାର ମଜାକ ଉଡାଇ ବୀଣା ଟ୍ବିଟରେ ଲେଖିଥିଲେ, ‘ଉପ୍ସ, ଚନ୍ଦ୍ର ଇଣ୍ଡିଆକୁ ମାମୁଁ ସଜାଇଛି । ଭାରତର ଚନ୍ଦ୍ରଯାନ-2 ଅସଫଳ ହୋଇଯାଇଛି ।’ ସେହିପରି ସେ ଆଉ ଏକ ଟ୍ବିଟରେ ଲେଖିଥିଲେ, ‘ଶୁଣିବାକୁ ମିଳୁଛି ଯେ ଏହି ମିଶନ ଅସଫଳ ହେବା ପଛରେ ଆଇଏସଆଇର ହାତ ଅଛି । ଚନ୍ଦ୍ରରେ ଭାରତୀୟକୁ ଅନୁମତି ନାହିଁ ।’
ପ୍ରକାଶ ଥାଉକି ବୀଣା ବଲିଉଡରେ 2000ରେ ରିଲିଜ ହୋଇଥିବା ଫିଲ୍ମ ‘ତେରେ ପ୍ୟାର ମେଁ’ ଜରିଆରେ ଡେବ୍ୟୁ କରିଥିଲେ । ଏହାପରେ ସେ ଅନେକ ଫିଲ୍ମରେ ନଜର ଆସିଥିଲେ । ଏହାସହ ସେ ବିଗ ବସ ସିଜନ-4ରେ ପ୍ରତିଯୋଗୀ ଭାବେ ଭାଗ ନେଇଥିଲେ ।
