ଭୁବନେଶ୍ବର: ଆଶ୍ରମ ପିଲାଙ୍କ ସହ କମେଡି ଷ୍ଟାର ଗୁଡୁ ପାଳିଲେ ଜନ୍ମ ଦିନ । ଓଲିଉଡର କମେଡି ଷ୍ଟାର ଗୁଡୁଙ୍କର ଆଜି 29ତମ ଜନ୍ମ ଦିନ । ନିଜର ଜନ୍ମ ଦିନକୁ ପ୍ରତିବର୍ଷ ଭଳି ଏଥର ମଧ୍ୟ ଆଶ୍ରମ ଶିଶୁଙ୍କ ସହ ପାଳନ କରିଛନ୍ତି ସେ ।
ଭିଡିଓ ସୌଜନ୍ୟ:ପ୍ରତିନିଧି, ଭୁବନେଶ୍ବର
ଭୁବନେଶ୍ବର ସ୍ଥିତ ଏକ ବାଲ ଆଶ୍ରମର ଛାତ୍ରଛାତ୍ରୀଙ୍କ ସହ ନିଜର ଦିନକୁ ବେଶ ଧୁମଧାମରେ ପାଳନ କରିଛନ୍ତି ଗୁଡୁ । ଏହି ପିଲା ମାନଙ୍କ ସହ ଆଜି କେକ କାଟିବା ସହ ମିଠା ବାଣ୍ଟିଛନ୍ତି ସେ ।
ଏଥସହ ଗୁଡୁ ଅନ୍ୟ ଷ୍ଟାର ମାନଙ୍କୁ ଅନୁରୋଧ କରିଛନ୍ତି ଯେ, ନିଜର ବାର୍ଥ ଡେ ବଡ ବଡ ହୋଟଲରେ ପାଳନ କରିବା ପରିବର୍ତ୍ତେ ଶିଶୁମାନଙ୍କ ସହ ସେଲିବ୍ରେଟ କରନ୍ତୁ । ଜୀବନର ଅସଲି ମଜା ଏହି ଶିଶୁମାନଙ୍କ ଠାରେ ଅଛି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
