ଭୁବନେଶ୍ବର: ଦିନକୁ ଦିନ ଓଡ଼ିଆ ସିନେମା ଜଗତରେ ଫିଚର ଫିଲ୍ମ ମାନଙ୍କ ପ୍ରତି ଦର୍ଶକ ମାନଙ୍କ ଚାହିଦା ବଢୁଛି । ଓଡିଆ ନବବର୍ଷ ଅବସରରେ 'ଖୁସି' ନାମକ ଏକ କ୍ଷୁଦ୍ର ଚଳଚ୍ଚିତ୍ରର ଶୁଭ ମହୁରତ ହୋଇଛି । ନରୀ କେନ୍ଦ୍ରୀତ କଥା ବସ୍ତୁକୁ ନେଇ ଏହି ଚଳଚିତ୍ର ନିର୍ମାଣ ହୋଇଛି।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ଫିଲ୍ମରେ କିଭଳି ଗୋଟିଏ ନାରୀ ତାର ଜନ୍ମ ସମୟରୁ ସମାଜ ଭିତରେ ସଂଘର୍ଷ କରି ଆସିଛି ଓ ପରିଶେଷରେ ଏକ ସଫଳ ପାଇଛି ତାହା ଉପରେ ଆଧାରିତ ହୋଇଥିବାର କହିଛନ୍ତି ଫିଲ୍ମ ନିର୍ମାତା ମିଲନ। ଏହି ଚଳଚ୍ଚିତ୍ରଟି ଶୁଶିଲା ପ୍ରଡକ୍ଟସନ ଦ୍ବାରା ନିର୍ମିତ ହେଉଥିବା ବେଳେ ଫିଲ୍ମର ସଂଳାପ ଦାୟିତ୍ବ ତୁଲାଇଛନ୍ତି ଅମରଜିତ ଓଝା।
ଅନ୍ୟପଟେ ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ ନବାଗତା ଅଭିନେତ୍ରୀ ସୀମା । ନବବର୍ଷରେ ଫିଲ୍ମର ଶୁଭ ମହୁରତ ହେଇଥିବା ବେଳେ ଆଗାମୀ ଦିନରେ ଏହା ବଡ଼ପରଦାରେ ନଜର ଆସିପାରେ ବୋଲି କହିଛନ୍ତି ଫିଲ୍ମ ନିର୍ମାତା ମିଲନ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
