ଭୁବନେଶ୍ବର: ଏଥର ରଜର ମଜା ହେବ ଦୁଇଗୁଣ । କାରଣ ରଜ ପାଇଁ ଏବେ ଠାରୁ ଓଡ଼ିଆ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଦେଖାଗଲାଣି କସରତ । ରଞ୍ଜିତ ବାରିକଙ୍କ ନିର୍ଦ୍ଦେଶନାରେ ନିର୍ମିତ ପାରିବାରିକ ଚଳଚ୍ଚିତ୍ର 'ତୁମେ ମୋ ଶଙ୍ଖା ତୁମେ ମୋ ସିନ୍ଦୁର' ରଜ ବଜାରକୁ କରିବ ଗରମ ।
ଭିଡିଓ ସୌଜନ୍ୟ: ପ୍ରତିନିଧି, ଭୁବନେଶ୍ବର
ଏହି ଚଳଚ୍ଚିତ୍ରଟି ପାରିବାରିକ କଥା ବସ୍ତୁକୁ ନେଇ ଆଧାରିତ ହୋଇଥିବାରୁ ସବୁ ବୟସର ଦର୍ଶକ ଏକାଠି ଫିଲ୍ମର ମଜା ନେଇପାରିବେ ବୋଲି କହିଛନ୍ତି ଫିଲ୍ମ ପ୍ରଯୋଜକ ବଦ୍ରୀନାଥ ପଟ୍ଟନାୟକ ।
ଆଜି ଭୁବନେଶ୍ବରର ସ୍ଥିତ ଏକ ଘରୋଇ ହୋଟେଲରେ ଚଳଚ୍ଚିତ୍ରର ମହୁରତ ରଖାଯାଇଥିଲା । ଯେଉଁଠାରେ ନଜର ଆସିଥିଲେ ଚଳଚ୍ଚିତ୍ରର ଷ୍ଟାରକାଷ୍ଟ ।
ମୁଖ୍ୟ ଭୂମିକାରେ ନଜର ଆସିବେ ଚକୋଲେଟ ଅଭିନେତା ଅଭିଷେକ । ଏହାସହ ଜଣାଶୁଣା ଅଭିନେତା ମିହିର ଦାସ ମଧ୍ୟ ଏହି ଚଳଚ୍ଚିତ୍ରରେ ନଜର ଆସିବେ । ଅନ୍ୟପଟେ ଚଳଚ୍ଚିତ୍ରର ସୁଟିଂ ଓଡ଼ିଶା ବାହାରେ କରାଯିବାର ଯୋଜନା ରହିଛି । ଚଳଚ୍ଚିତ୍ରରେ ମ୍ୟୁଜିକ ଦେବେ ଲୋକପ୍ରିୟ ସଙ୍ଗୀତ ନିର୍ଦ୍ଦେଶକ ପ୍ରେମ ଆନନ୍ଦ ।
