ଭୁବନେଶ୍ବର: ଦଶହରା ଅବସରରେ ବଡ଼ ପରଦାକୁ ଆସୁଛି ମଲ୍ଟି ଷ୍ଟାରର ଚଳଚ୍ଚିତ୍ର ‘this is ମାୟାରେ ବାୟା’।ଯେଉଁଥିରେ ନଜର ଆସିବେ ଓଲିଉଡର ଚାର୍ମିଙ୍ଗ ଅଭିନେତ୍ରୀ ଏଲିନା ସାମନ୍ତରାୟ ଆଉ ହ୍ୟାଣ୍ଡସମ ଅଭିନେତା ସୂରାଜ। ଆଉ କିଛି ଦିନ ପରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର । ସେହିପରି ଏଲିନାଙ୍କ ଫ୍ୟାନ୍ସ ଚଳଚ୍ଚିତ୍ରକୁ ବଡ ପରଦାରେ ଦେଖିବାକୁ ଉତ୍ସାହିତ । ଯାହାର ପ୍ରମୋଶନରେ ଆଜିକାଲି ବ୍ୟସ୍ତ ଅଛନ୍ତି ଷ୍ଟାରକାଷ୍ଟ ।
ଏହି ଅବସରରେ ଗତ କାଲି ଏଲିନାଙ୍କ ଫ୍ୟାନ କ୍ଲବ ଚଳଚ୍ଚିତ୍ର ପ୍ରମୋଶନ ଭୁବନେଶ୍ବରରେ କରିଥିଲେ। ଫ୍ୟାନ୍ସଙ୍କ ଏହି ପ୍ରମୋଶନ କାର୍ଯ୍ୟକ୍ରମରେ ଯୋଗ ଦେଇଥିଲେ ଏଲିନା । କେକ କାଟି ଫ୍ୟାନ୍ସଙ୍କ ସହ ଖୁବ୍ ମସ୍ତି କରିଥିବାର ନଜର ଆସିଛନ୍ତି ସେ ।
ପ୍ରକାଶ ଥାଉକି ଦୁଇ ଭାଇଙ୍କ ସମ୍ପର୍କକୁ ନେଇ ଆଧାରିତ ଏହି ଚଳଚ୍ଚିତ୍ର। ଏଲିନାଙ୍କ ସହ ସୂରଜା ଚଳଚ୍ଚିତ୍ରରେ ରୋମାନ୍ସ ଦେଖିବାକ ପାଇବେ ଦର୍ଶକ । ସେହିପରି ଓଲିଉଡର ସୁପରଷ୍ଟାର ସିଦ୍ଧାନ୍ତ ମହାପାତ୍ରଙ୍କ ସହ ନଜର ଆସିବେ ଲୋକପ୍ରିୟ ଅଭିନେତ୍ରୀ ଝିଲିକ ।
‘this is ମାୟାରେ ବାୟା’ରେ ହରିଙ୍କ କମେଡି ତଡକା ମଧ୍ୟ ରହିଅଛି । ସିଦ୍ଧାର୍ଥ ମ୍ୟୁଜିକର 28ତମ ଅବଦାନରେ ଚଳଚ୍ଚିତ୍ର ‘this is ମାୟାରେ ବାୟା’ ନିର୍ମାଣ କରାଯାଇଛି । ଯାହାର ନିର୍ଦ୍ଦେଶନା ଦାୟିତ୍ବ ନିର୍ଦ୍ଦେଶକ ସୁଶାନ୍ତ ମଣି ତୁଲାଇଥିବା ବେଳେ ପ୍ରଯୋଜନା କରିଛନ୍ତି ଶ୍ରୀତମ ଅଗ୍ରୱାଲ ଓ ନମିତା ଅଗ୍ରୱାଲ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିିଭି ଭାରତ
