ବେଙ୍ଗାଲୁରୁ: କନ୍ନଡ ଅଭିନେତ୍ରୀ ତଥା ବିଗ୍ ବସ୍ ପ୍ରତିଯୋଗୀ ଚୈତ୍ରା କୋଟୁରୁ ଆତ୍ମହତ୍ୟା ଉଦ୍ୟମ କରିଛନ୍ତି । ସେ ଏବେ ସ୍ଥାନୀୟ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଅଭିନେତ୍ରୀ ଗତକାଲି ଫିନାଇଲ ପିଇ ଆତ୍ମହତ୍ୟା ଉଦ୍ୟମ କରିଥିଲେ ।
ଚୈତ୍ରା ନିକଟରେ ବିଜନେସ ମ୍ୟାନ ନାଗାର୍ଜୁନଙ୍କୁ ବିବାହ କରିଥିଲେ । ମାର୍ଚ୍ଚ 28 ରେ ନାଗାର୍ଜୁନ ଏବଂ ଚୈତ୍ରାଙ୍କ ବିବାହ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା।
କିନ୍ତୁ ବିବାହ ଶୀଘ୍ର ବିବାଦରେ ପରିଣତ ହୋଇଥିଲା ।
ବିବାହ ପରେ ଚୈତ୍ରାଙ୍କ ସ୍ବାମୀ କହିଥିଲେ ଯେ, ସେ ବିବାହ କରିବାକୁ ଆଗ୍ରହୀ ନଥିଲେ । ତାଙ୍କୁ ବିବାହ କରିବାକୁ ବାଧ୍ୟ କରାଯାଇଥିବା ନାଗାର୍ଜୁନ ଏବଂ ତାଙ୍କ ପରିବାର ଅଭିଯୋଗ କରିଛନ୍ତି ।
ପ୍ରକାଶ ଥାଉ ଯେ, ଚୈତ୍ରା କନ୍ନଡ ବିଗ୍ ବସ୍ ସିଜନ୍ 7 ର ପ୍ରତିଯୋଗୀ ଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
