ନୂଆଦିଲ୍ଲୀ: ଫିଲ୍ମ ଅଭିନେତ୍ରୀ ଶୃତି ହାସନ କଲେ ବଡ ଖୁଲାସା । କିଛି ଦିନ ପୂର୍ବେ ଏକ ଲୋକପ୍ରିୟ ଚାଟ ଶୋରେ ନଜର ଆସିଥିଲେ ଶୃତି ହାସନ । ଆଉ ଏହି ଶୋ ଜରିଆରେ ସେ ନିଜର ବ୍ୟକ୍ତିଗତ କଥା ଖୁଲାସା କରିଛନ୍ତି । ଏକ ଆଲୋଚନାରେ ତାଙ୍କର ମାଇକଲ କୋର୍ସଲଙ୍କ ସହ କିପରି ବ୍ରେକଅପ୍ ହେଲା ଏବଂ ସେ କିପରି ନିଶାଗ୍ରସ୍ତରେ ଅଭ୍ୟସ୍ତ ହେଲେ ସେସବୁ ସମ୍ପର୍କରେ ଆଲୋଚନା କରିଛନ୍ତି ।
ଶୃତି ହାସନ ଏକଥା ସ୍ବୀକାର କରିଛନ୍ତି ଯେ ସେ ମଦ ପିଇବା ଛାଡିବା ପରେ ତାଙ୍କ ସ୍ବାସ୍ଥ୍ୟ ଉପରେ କୁପ୍ରଭାବ ପଡିଥିଲା । ଶୃତିଙ୍କ କହିବା କଥା ହେଲା ସେ ଦୀର୍ଘ ଦିନ ଧରି ହ୍ବିସ୍କି ପିଉଥିଲେ । ସେ କିନ୍ତୁ ନିଜର କୁଚିତ୍ ବ୍ୟକ୍ତିଗତ କଥା ସେୟାର କରିଛନ୍ତି । ଶୃତି କିଛିଦିନ ଧରି ଅସୁସ୍ଥ ଥିଲେ । ତାଙ୍କୁ ଏସମ୍ପର୍କରେ ପ୍ରଶ୍ନ କରାଯିବା ପରେ ସେ ସିଧାସଳଖ ସେୟାର କରିବାକୁ ମନା କରିଦେଇଥିଲେ । ତେବେ ସେ ନିଜର ଫିଲ୍ମ ଦୁନିଆକୁ ଫେରିବା ପୂର୍ବରୁ କିଛି ସମୟ ପାଇଁ ବ୍ରେକ୍ ନେବାକୁ ଚାହାଁନ୍ତି ।
ସେପଟେ ତାଙ୍କର ଏକ୍ସ ବୟଫ୍ରେଣ୍ଡଙ୍କ ସମ୍ପର୍କରେ ପ୍ରଶ୍ନ କରାଯିବାକୁ ସେ ମାଇକଲ କୋର୍ସଲଙ୍କ ସମ୍ପର୍କରେ ଭଲ କଥା କହିଛନ୍ତି । ଶେଷରେ ସେ କହିଛନ୍ତି ଯେ ମାଇକଲ କୋର୍ସଲଙ୍କ ସହ ଭଲ ଅନୁଭୂତି ଥିଲା । ଫିଲ୍ମ ଅଭିନେତା କମଲ ହାସନଙ୍କ ଝିଅ ଶୃତି ହାସନ ବହୁତ ହିଟ ଫିଲ୍ମ ସହ ତେଲୁଗୁ ଫିଲ୍ମ ମଧ୍ୟ କରି ପ୍ରଂଶସକଙ୍କ ପ୍ରଂଶସା ସାଉଟିଛନ୍ତି ।
