ମୁମ୍ବାଇ: ହଲିଉଡର ଫେମସ ଆକ୍ଟର ରେୟାନ ରେନାଲ୍ଡସ ଓ ତାଙ୍କ ପତ୍ନୀ ବ୍ଲେକ ଲାଇଭଲି କୋରୋନା ଭାଇରସ ସଂକ୍ରମିତଙ୍କୁ ସହଯୋଗର ହାତ ବଢାଇଛନ୍ତି । ସେ 1 ମିଲିଅନ ଡଲାର ଦାନ ରୂପେ ଫିଡିଂ ଆମେରିକା ଓ ଫୁଡ ବ୍ୟାକ୍ସ କନାଡାକୁ ଦେଇଛନ୍ତି । ଏହି ଟଙ୍କା ଦ୍ବାରା ସେ ସଂକ୍ରମିତ ଲୋକଙ୍କୁ ସାହାଯ୍ୟ କରିବାକୁ ଚାହୁଁଛନ୍ତି।
ଏହାର ସୂଚନା ସେ ଟ୍ବିଟରରେ ଦେଇ ଲେଖିଛନ୍ତି, ‘କୋଭିଡ-19ରେ ବୟସ୍କ ଓ ଗରିବ ପରିବାର ଉପରେ ଖରାପ ପ୍ରଭାବ ପଡୁଛି । ମୁଁ ମୋ ପତ୍ନୀ ବ୍ଲେକଙ୍କ ମିଶି 1 ମିଲିଅନ ଡଲାର ଫିଡିଂ ଆମେରିକା ଓ ଫୁଡ ବ୍ୟାଙ୍କସ କାନାଡାକୁ ଡୋନେଟ କରିଛୁ । ଯଦି ଆପଣ ସାହାଯ୍ୟ କରିବାକୁ ଚାହୁଁଛ ତେବେ ନିହାତି କରିପାରିବେ। କାରଣ ଏହି ସଂସ୍ଥାନକୁ ଆପଣଙ୍କ ସହଯୋଗର ଆବଶ୍ୟକ ଅଛି।’
ରେୟାନଙ୍କ ଏହି ପଦକ୍ଷେପର ବର୍ତ୍ତମାନ ସମସ୍ତେ ପ୍ରଶଂସା କରିବାରେ ଲାଗିଛନ୍ତି । ସେ ପ୍ରଥମ ସେଲିବ୍ରିଟି ଯିଏ କୋରୋନା ସଂକ୍ରମିତ ଲୋକଙ୍କ ପାଇଁ ଦାନ କରିଛନ୍ତି । ତାଙ୍କର ଏହି ଟ୍ବିଟକୁ ଏଯାବତ 58 ହଜାର ଲୋକ ପସନ୍ଦ କରିସାରିଲେଣି।
