ହାଇଦ୍ରାବାଦ: ସଞ୍ଜୟ ଲୀଲା ଭଂସାଲିଙ୍କ ଫିଲ୍ମ ମଲାଲ ଖୁବ ଶୀଘ୍ର ପରଦାକୁ ଆସୁଛି । ଏଥିରେ ପ୍ରଥମ ଥର ବଲିଉଡକୁ ଏଣ୍ଟ୍ରି କରିବେ ମିଜାନ ଓ ଶର୍ମିନ । ଫିଲ୍ମର ରିଲିଜ ପୂର୍ବରୁ ଫିଲ୍ମର ଗୀତକୁ ଦର୍ଶକ ଖୁବ ପସନ୍ଦ କରିଛନ୍ତି । ‘ଆଇଲା ରେ’ପରେ ଏବେ ରିଲିଜ ହୋଇଛି ଅନ୍ୟଏକ ମ୍ୟୁଜିକ ଟ୍ରାକ । ଏଥିରେ ମିଜାନ ଓ ଶର୍ମିନଙ୍କ ଜବରଦସ୍ତ ଯୋଡି ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ୟୁଟ୍ୟୁବ
ଗୀତର ନାଁ ରହିଛି ‘ଉଧାଲ ହୋ’। ଗୀତର ସେଟକୁ ଗଣେଶ ଚତୁର୍ଥୀ ମଣ୍ଡପରେ ପରିବର୍ତ୍ତନ କରାଯାଇଛି । ଗୀତଟିକୁ ଗାଇଛନ୍ତି ଆଦର୍ଶ ସିନ୍ଧେ ଏହାସହ ଗୀତରେ ମରାଠୀଙ୍କ ସଂସ୍କୃତି ମଧ୍ୟ ଦେଖିବାକୁ ମିଳିଛି । ଗୀତରେ ମରାଠୀ ଲୁକରେ ରୋମାନ୍ସ କରିଛନ୍ତି ମିଜାନ ଓ ଶର୍ମିନ ।
ଗୀତକୁ କମ୍ପୋଜ କରିଛନ୍ତି ନିଜେ ସଞ୍ଜୟ ଲୀଲା ଭଂସାଲି । ଭଂସାଲିଙ୍କ ପ୍ରତି ଫିଲ୍ମର ଗୀତ ଭଳି ଏହାକୁ ବି ମଧ୍ୟ ପାରମ୍ପରିକ ଶୈଳୀରେ ତିଆରି କରାଯାଇଛି । ତେବେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ମଙ୍ଗେଶ ହଦୱାଲା । ଫିଲ୍ମଟି ଚଳିତ ମାସ ଜୁନ 28ରେ ପରଦାକୁ ଆସିବ ।
