କୋଲକାତା: ସାମନାକୁ ଆସିଲା ଲୋକପ୍ରିୟ ବଙ୍ଗାଳୀ ଅଭିନେତ୍ରୀ ତଥା TMC ସାସଂଦ ନୁସରତ ଜାହାଁଙ୍କ ସନ୍ତାନର ଜନ୍ମ ପ୍ରମାଣ ପତ୍ର । ଏଥିରେ ସନ୍ତାନର ପିତା ଭାବେ ତାଙ୍କ ପାର୍ଟନର ତଥା ବଙ୍ଗାଳୀ ଆକ୍ଟର ୟଶ ଦାସଗୁପ୍ତାଙ୍କ ନାଁ ରହିଥିବା ଜଣାପଡ଼ିଛି । ନୁସରତ ତାଙ୍କ ସନ୍ତାନଙ୍କ ପିତାଙ୍କ ନାମକୁ ଲୁଚାଉଥିବା ବେଳେ ବର୍ତ୍ତମାନ ଏହା ସମସ୍ତଙ୍କ ସାମନାକୁ ଆସିଛି ।
ଗତ ଅଗଷ୍ଟ ୨୬ ତାରିଖରେ ଏକ ପୁତ୍ର ସନ୍ତାନଙ୍କୁ ଜନ୍ମ ଦେଇଥିଲେ ନୁସରତ । ତେବେ ଏହି ଶିଶୁଟି ଜନ୍ମ ନେବା ପରେ ନୁସରତଙ୍କ ପାର୍ଟନର ତଥା ସନ୍ତାନର ପିତାଙ୍କୁ ନେଇ ଚର୍ଚ୍ଚା ଜୋର ଧରିଥିଲା । କିନ୍ତୁ ଏହାର ଅନ୍ତ ଘଟିଛି । ଅଭିନେତ୍ରୀ ଏହାକୁ ଲୁଚାଉଥିବା ବେଳେ ସନ୍ତାନର ପିତାଙ୍କ ପରିଚୟ ସାମନାକୁ ଆସିଛି । ପ୍ରମାଣ ପତ୍ରରେ ପିତାଙ୍କ ନାମ ସ୍ଥାନରେ ୟଶ ବା ଦେବାଶିଷ ଦାସଗୁପ୍ତାଙ୍କ ନାମ ଲେଖାଥିବା ସୂଚନା ମିଳିଛି । ଏଥିରେ ସନ୍ତାନର ନାମ ରହିଛି ୟିଶାନ ଜେ ଦାସଗୁପ୍ତା ।
ନୁସରତ ଡେଲିଭରୀ ପରେ ଭାଗିରଥୀ ନେଓଟିଆ ହସ୍ପିଟାଲରୁ ଡିସଚାର୍ଜ ହେବା ବେଳେ ୟଶ ନବଜାତକୁ କୋଳରେ ଧରି ନେଉଥିବା ଦେଖିବାକୁ ମିଳିଥିଲା । ପୂର୍ବରୁ ନୁସରତଙ୍କୁ ତାଙ୍କ ପୁତ୍ରର ପିତାଙ୍କ ନାମ ସମ୍ପର୍କରେ ପଚାରିଯିବା ସମୟରେ ସେ ଏହି ପ୍ରଶ୍ନକୁ ଅଶୋଭନୀୟ ଦର୍ଶାଇଥିଲେ । ଏହି ପ୍ରଶ୍ନ ଜଣେ ମହିଳାର ଚରିତ୍ର ଉପରେ ସନ୍ଦେହ କରିବା ଭଳି ଥିଲା ବୋଲି କହି ସେ ନାମକୁ ଜଣାଇନଥିଲେ ।
ତେବେ ସୂଚନା ଥାଉ କି ୟଶ ଦାସଗୁପ୍ତା ବିଜେପିର ସଦସ୍ୟ ଥିବା ବେଳେ ସେ ଚଳିତ ବର୍ଷ ଚଣ୍ଡିତାଲା ବିଧାନସଭା ନିର୍ବାଚନ ମଣ୍ଡଳୀ ପାଇଁ ନିର୍ବାଚନ ଲଢିଥିଲେ । ସେପଟେ ସ୍ବାମୀ ନିଖିଲ ଜୈନଙ୍କ ସହିତ ନୁସରତ ନିଜ ବିବାହକୁ ଅବୈଧତା କହିଥିଲେ । ଭାରତୀୟ ନିୟମ ଅନୁଯାୟୀ ବାହାଘର ହୋଇନଥିବା ନୁସରତ କହିଥିଲେ । ନିଖିଲ ପଞ୍ଜୀକରଣ ପାଇଁ ବାରମ୍ବାର ନୁସରତଙ୍କୁ କହିଥିଲେ ମଧ୍ୟ ସେ ମନା କରିଥିବା ନିଖିଲ ଏଭଳି ଅଭିଯୋଗ ପରେ ପ୍ରତିକ୍ରିୟା ରଖିଥିଲେ ।
