ମୁମ୍ବାଇ: ‘ବିଗବସ 14’ ପରଠୁ ମରାଠୀ ଅଭିନେତ୍ରୀ ନିକ୍କି ତମ୍ବୋଲିଙ୍କ ଲୋକପ୍ରିୟତା ବେଶ୍ ବଢିଯାଇଛି । ସେ କିଛି ନା କିଛି କାରଣରୁ ଚର୍ଚ୍ଚାରେ ରହୁଛନ୍ତି । ଇତିମଧ୍ୟରେ ତାଙ୍କ ଆଗାମୀ ପ୍ରୋଜେକ୍ଟକୁ ନେଇ ଉତ୍ସାହିତ ଅଛନ୍ତି ଫ୍ୟାନ୍ସ । କାରଣ ଚର୍ଚ୍ଚା ଜୋର ଧରିଛି ଯେ ନିକ୍କି ଖୁବଶୀଘ୍ର ଫେମସ ଗାୟକ ମିଲିନ୍ଦ ଗାବାଙ୍କ ଅପକମିଂ ସଙ୍ଗ ‘ଶାନ୍ତି’ରେ ନଜର ଆସିବେ ।
ଏହି ଗୀତରେ ନିକ୍କିଙ୍କ ସହ ରୋମାନ୍ସ କରିବେ ମିଲିନ୍ଦ । ନିକଟରେ ନିକ୍କି ଦେଇଥିବା ଏକ ସାକ୍ଷାତକାରରେ କହିଥିଲେ ମିଲିନ୍ଦ ଗାବାଙ୍କ ସହ ଏହି ଟ୍ରାକର ସୁଟିଂ କରିବା ମୋ ପାଇଁ ଶାନଦାର ଅନୁଭୂତି ଥିଲା । ଆମେ ଦୁହେଁ ସୁଟିଂ ସେଟରେ ଖୁବ୍ ମଜାମସ୍ତି ମଧ୍ୟ କରିଥିଲୁ । ଖୁବଶୀଘ୍ର ରିଲିଜ ହେବ ଏହି ଗୀତ ।’
ସେହିପରି ମିଲିନ୍ଦ ମଧ୍ୟ କହିଥିଲେ, ‘ଏହି ଟ୍ରାକରେ ନିକ୍କି ଭଲ ଡ୍ୟାନ୍ସ କରିଛନ୍ତି । ଶାନ୍ତି ବହୁତ ଉତ୍ସାହିତ ଟ୍ରାକ । ଯାହା ଆପଣଙ୍କୁ ଡ୍ୟାନ୍ସ କରାଇବାକୁ ବାଧ୍ୟ କରିବ।’
ପ୍ରକାଶ ଥାଉକି ନିକ୍କି ବର୍ତ୍ତମାନ କେପଟାଉନରେ ରୋହିତ ସେଟ୍ଟୀଙ୍କ ସବୁଠାରୁ ବଡ ରିୟାଲିଟି ଶୋ ‘ଖତୋରୋଁ କେ ଖିଲାଡି’ର ସୁଟିଂରେ ବ୍ୟସ୍ତ ଅଛନ୍ତି ।
