କଟକ: ଥମୁନି ଅଭିନେତ୍ରୀ ନିକିତାଙ୍କ ମୃତ୍ୟୁ ମାମଲା । ମିଳୁନି ସ୍ୱାମୀ ଲିପନଙ୍କୁ ବେଲ୍ । ଏବେ ଦ୍ୱିତୀୟ ଥର ପାଇଁ ନିକିତାଙ୍କ ସ୍ୱାମୀ ଲିପନଙ୍କ ଜାମିନ ଆବେଦନ ଖାରଜ ହୋଇଯାଇଛି । ଆଉ ନିରାଶ ହୋଇଛନ୍ତି ଲିପନ । ତେବେ ଲିପନଙ୍କ ଜାମିନ ଆବେଦନ ଖାରଜ କରିଛନ୍ତି କଟକ ଅତିରିକ୍ତ ଜିଲ୍ଲା ଦୌରାଜଜ ।
ପ୍ରକାଶ ଥାଉକି, ଗତ ଜାନୁୟାରୀ 6 ତାରିଖରେ ଅଭିନେତ୍ରୀ ନିକିତା ଓ ସ୍ୱାମୀ ଲିପନଙ୍କ ମଧ୍ୟରେ କୌଣସି କଥାକୁ ନେଇ ଛାତ ଉପରେ ମତାନ୍ତର ହୋଇଥିଲା । ଆଉ ତାପରେ ସ୍ୱାମୀ ଲିପନ, ନିକିତାଙ୍କୁ ଛାତ ଉପରୁ ଠେଲି ଦେଇଥିଲେ । ମୃତ୍ୟୁ ସମୟରେ ନିକିତା ତାଙ୍କ ବାପଘରେ ଥିଲେ ।
ନିକିତାଙ୍କ ପରିବାର ପକ୍ଷରୁ ଚାଉଳିଆଗଞ୍ଜ ଥାନାରେ ଲିପନଙ୍କ ବିରୋଧରେ ହତ୍ୟା ଅଭିଯୋଗ ଆଣିବା ପରେ ତଦନ୍ତ କରାଯାଇ ଶେଷରେ ଲିପନଙ୍କୁ ଗିରଫ କରାଯାଇଥିଲା । ଆଉ ପରେ ଲିପନଙ୍କ ପରିବାର ମଧ୍ୟ ଥାନାରେ ହାଜର ନ ହୋଇ ଫେରାର ହୋଇଯାଇଥିଲେ । ଯାହା ଫଳରେ ପୋଲିସ ତାଙ୍କ ଘରେ ଲଗାଇଥିଲେ ଲଟକା ।
କଟକରୁ ନାରାୟଣ ସାହୁ, ଇଟିଭି ନ୍ୟୁଜ
