ମୁମ୍ବାଇ: ସୁପରଷ୍ଟାର ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ବ୍ଲକବଷ୍ଟର ଫିଲ୍ମ ‘ୱାର’ ବକ୍ସ ଅଫିସରେ 300 କୋଟି ଆୟ କରି ଅନେକ ରେକର୍ଡ ଭାଙ୍ଗିବାରେ ସଫଳ ହୋଇଛି । ଏମାସ 2ରେ ରିଲିଜ ହୋଇଥିବା ଏହି ଫିଲ୍ମକୁ ଦର୍ଶକ ଏଯାବତ ପସନ୍ଦ କରୁଛନ୍ତି । 300 କୋଟି ଆୟ କରିବା ଅବସରରେ ଟ୍ବିଟରରେ ଫିଲ୍ମକୁ ନେଇ ଅନେକ ଟ୍ବିଟ ବର୍ତ୍ତମାନ ଦେଖିବାକୁ ମିଳୁଛି । ସବୁଠାରୁ ଆଶ୍ଚର୍ଯ୍ୟ କଥା ହେଲା ଯେ ‘ୱାର’ ନୁହେଁ ବରଂ ‘ୱାର 2’ ଆଉ ହ୍ୟାଣ୍ଡସମ ଆକ୍ଟର ବିଦ୍ୟୁତ ଜାମୱାଲ ସୋସିଆଲ ମିଡିଆରେ ବର୍ତ୍ତମାନ ଟ୍ରେଣ୍ଡ କରୁଛନ୍ତି ।
ଏବେ ଆପଣ ଭାବୁଥିବେ କି ‘ୱାର’ 300 କୋଟି ଆୟ କରିଥିବା ବେଳେ ‘ୱାର 2’ ଓ ବିଦ୍ୟୁତ କାହିଁକି ଟ୍ରେଣ୍ଡ କରୁଛନ୍ତି । ପୁରା କଥାଟି ହେଲା କି ୟୁଜର୍ସ ମଧ୍ୟରେ ଏବେ ‘ୱାର 2’ର ଚର୍ଚ୍ଚା ଚାଲିଛି । ଆଉ ଦର୍ଶକ ‘ୱାର’ର ସିକ୍ବେଲ ଫିଲ୍ମ ‘ୱାର 2’ରେ ହ୍ରିତିକଙ୍କ ସହ ବିଦ୍ୟୁତଙ୍କୁ ଦେଖିବାକୁ ଚାହୁଁଛନ୍ତି । ଯାହାକୁ ନେଇ ସୋସିଆଲ ମିଡିଆରେ ଯୁକ୍ତିତର୍କ ମଧ୍ୟ ଆରମ୍ଭ ହୋଇଯାଇଛି । କିଛି ୟୁଜର୍ସ ପରଦାରେ ପୁଣି ହ୍ରିତିକ ଓ ଟାଇଗରଙ୍କ ଯୋଡି ଦେଖିବାକୁ ଚାହୁଁଥିବା ବେଳେ ଆଉ କିଛି ହ୍ରିତିକ ଓ ବିଦ୍ୟୁତଙ୍କୁ ଦେଖିବାକୁ ଚାହୁଁଛନ୍ତି ।
ଖାଲି ଏତିକି ନୁହେଁ ଟ୍ବିଟରରେ ଏବେ ହ୍ରିତିକ ଓ ବିଦ୍ୟୁତଙ୍କ ଫଟୋକୁ ପୋଷ୍ଟ କରି ୟୁଜର୍ସ ଅନେକ କମେଣ୍ଟ କରୁଛନ୍ତି । ‘ୱାର 2’ ନିର୍ମାଣ ହେବ କି ହେବ ନାହିଁ ତାହା ତ ସମୟ କହିବ । କିନ୍ତୁ ୟୁଜର୍ସଙ୍କ ଏହି ଯୁକ୍ତତର୍କକୁ ଦେଖି ନିର୍ମାତା ଏହି ବିଷୟ ଉପରେ ନିହାତି ବିଚାର କରିବେ ।
ପ୍ରକାଶ ଥାଉକି ୟଶରାଜ ଫିଲ୍ମସରେ ନିର୍ମିତ ‘ୱାର’ 4000 ସ୍କ୍ରିନରେ ରିଲିଜ ହୋଇଥିଲା । ଏହି ଆକ୍ସନ ଥ୍ରିଲର ଫିଲ୍ମରେ ଟାଇଗର ଓ ହ୍ରିତିକଙ୍କ ଜବରଦସ୍ତ ଫାଇଟ ଦେଖିବାକୁ ମିଳିଛି । ଅନ୍ୟପଟେ ଅଭିନେତ୍ରୀ ବାଣୀ କପୁର ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ସିଦ୍ଧାର୍ଥ ଆନନ୍ଦ ।
