ମୁମ୍ବାଇ: ବଲିଉଡ ଅଭିନେତା ଅଲି ଫଜଲ କହିଛନ୍ତି ଯେ କୋଭିଡ -19 ପରେ ସମାଜ ଏପରି ପରିବର୍ତ୍ତନ ଆଣିବ ଯାହା ଆମେ ପୂର୍ବରୁ କେବେ ଦେଖି ନଥିବୁ । ଏହାସହ ବିଶ୍ୱ ସିନେମାର କାହାଣୀକାରମାନଙ୍କ ପାଇଁ ଏହା ଏକ ଆକର୍ଷଣୀୟର ସମୟ ହେବ ।
ଅଲି ଆଇ.ଏ.ଏନ.ଏସ କୁ କହିଛନ୍ତି ଯେ, ମୁଁ ଭାବୁଛି ଏହା ହେଉଛି ଏକ ଗୁରୁତ୍ବପୂର୍ଣ୍ଣ ସମୟ, ଏହି ସମୟରେ ଅନେକ ଲେଖକ ସେମାନଙ୍କ ଘରେ ବସିଛନ୍ତି ଏବଂ ଏହି ସମୟରେ ସେମାନଙ୍କ ମନରେ ଅନେକ କାହାଣୀ ସୃଷ୍ଟି ହେଉଥିବ । ଏନେଇ ଆସନ୍ତା ଦୁଇ ତିନି ବର୍ଷ ମଧ୍ୟରେ ସିନେମା ଜଗତରେ ଅନେକ ରୋଚକ କାହାଣୀ ଦେଖିବାକୁ ମିଳିବ ।
ଅତି ନିକଟରୁ ଦେଖିଲେ ଆମେ ଜାଣିପାରିବା ଯେ, ଗତ ବର୍ଷ ଡିସେମ୍ବର ଠାରୁ ଆମ ସମାଜରେ ରାଜନୈତିକ ଏବଂ ଅର୍ଥନୈତିକ ଦୃଷ୍ଟିରୁ ଅନେକ ଘଟଣା ଘଟିଛି । ସ୍ବାଧୀନତା ପରେ ଆମ ଦେଶ ଏକ ବଡ଼ ପରିବର୍ତ୍ତନ ଦେଇ ଗତି କରିଥିଲା । ବର୍ତ୍ତମାନ କୋଭିଡ -19 ପରେ, ଦୁନିଆରେ ଆଉ ଏକ ପରିବର୍ତ୍ତନ ଦେଖାଯିବ, ତେଣୁ ମୁଁ ଏହି ପରିବର୍ତ୍ତନ ଆସିବାକୁ ଅପେକ୍ଷା କରିଛି । ଏବଂ ଲୋକେ ଏହାକୁ କିପରି ଗ୍ରହଣ କରୁଛନ୍ତି ତାହା ଦେଖିବା ପାଇଁ ମୁଁ ଉତ୍ସାହିତ।
ଅଲି ଆହୁରି କହିଛନ୍ତି ଯେ, ସିନେମା, ସାହିତ୍ୟ, ଫ୍ୟାଶନ, ପେଣ୍ଟିଂ ଇତ୍ୟାଦି ଏଗୁଡିକ ହେଉଛି ଏକ ମାଧ୍ୟମ ଯାହା ସମାଜକୁ ପ୍ରତିଫଳିତ କରେ । ଏହାସହ ସମାଜରେ ଯାହା ଘଟିଥାଏ ତାହା ସମାଜରେ ପ୍ରତିଫଳିତ ହୋଇଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
