ନୂଆଦିଲ୍ଲୀ: ପ୍ରଥମେ 'ପିଏମ ମୋଦି' ବାୟୋପିକକୁ ନେଇ ବିବାଦ ଘେରରେ ଆସିଥିବା ଅଭିନେତା ବିବେକ ଏବେ ପୁଣିଥରେ ସୋସିଆଲ ମିଡିଆରେ ଚର୍ଚ୍ଚାରେ ଆସିଛନ୍ତି । ତାଙ୍କ ଗୋଟିଏ ଭୁଲ ପାଇଁ ତାଙ୍କୁ ମହାରାଷ୍ଟ୍ର ମହିଳା ଆୟୋଗ ତରଫରୁ ଲିଗାଲ ନୋଟିସ୍ ପଠାଯାଇଛି ।
କଥାଟି ହେଲା ସେ ସୋସିଆଲ ମିଡିଆରେ ଐଶ୍ବର୍ଯ୍ୟା ରାୟ ବଚ୍ଚନଙ୍କ ମିମି ସେୟାର କରି ଆଲୋଚନାର ଶିକାର ହୋଇଛନ୍ତି । କିନ୍ତୁ ସେ ପରେ ଟ୍ବିଟ ଜରିଆରେ କ୍ଷମା ମଧ୍ୟ ମାଗି ସାରିଛନ୍ତି ।
ଏବେ ବି-ଟାଉନର କଳାକାର ମଧ୍ୟ ତାଙ୍କ ସମାଲୋଚନା କରୁଥିବା ଦେଖାଯାଇଛନ୍ତି । ଏହି ମାମଲାଟି ଏତେ ଚର୍ଚ୍ଚାରେ ଅଛି ଯେ ସୋସିଆଲ ମିଡିଆରେ ବାରମ୍ବାର ଏହାକୁ ନେଇ ନୂଆ ନୂଆ ମିମିସ ସାମ୍ନାକୁ ଆସୁଛି ।
ଯେଉଁଠାରେ ବିବେକଙ୍କ ସୋସିଆଲ ମିଡିଆ ମିମିକୁ ନେଇ ଚହଳ ସୃଷ୍ଟି ହୋଇଛି । ସେହିଠାରେ ୟୁଜର୍ସଙ୍କ ଅନେକ ମଜାଦାର ମିମି ଦେଖିବାକୁ ମିଳୁଛି । ଏହି ମିମି ମଧ୍ୟରୁ ଗୋଟିଏ ମିମି ଦେଖି ଆପଣ ନିହାତି ହସିବେ । କାରଣ ଅଭିଷେକ ବଚ୍ଚନ, ସଲମାନ ଖାନ ଓ ଅମିତାଭ ବଚ୍ଚନଙ୍କ ସହ ଗୋଟିଏ ବାଇକରେ ବସି ଗ୍ୟାଙ୍ଗ ଅଫ ୱାସେପୁର ଅନ୍ଦାଜରେ ବିବେକଙ୍କ ଠାରୁ ପ୍ରତିଶୋଧ ନେବାକୁ ଯାଉଥିବାର ନଜର ଆସୁଛନ୍ତି ।
ଏହାବ୍ୟତୀତ ସଲମାନ ଓ ବିବେକଙ୍କ ଏକ ପୁରୁଣା ଭିଡିଓ ମଧ୍ୟ ଗତକାଲି ସନ୍ଧ୍ୟାରୁ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଯେଉଁଥିରେ ଦେଖିବାକୁ ମିଳୁଛି ସଲମାନଙ୍କୁ ବିବେକ କ୍ଷମା ମାଗୁଛନ୍ତି ।
