ମୁମ୍ବାଇ: ଭାଇରାଲ ହେଲା ବଲିଉଡ଼ ଅଭିନେତା ରଣବୀର ସିଂଙ୍କ ଧୁମଧଡ଼ାକ ଡ୍ୟାନ୍ସ ଭିଡ଼ିଓ । ମମ୍ ଅଞ୍ଜୁ ଭବନାନୀଙ୍କ ବର୍ଥ ଡେ'ରେ ସେ ମୁମ୍ବାଇର ଏକ ରେଷ୍ଟୁରାଣ୍ଟରେ ନାଚିଛନ୍ତି । ଦୀପିକା ଓ ରଣବୀର ମାଆ ଅଞ୍ଜୁଙ୍କ ଜନ୍ମଦିନ ପାଇଁ ଏକ ରେଷ୍ଟୁରାଣ୍ଟରେ ଲଞ୍ଚ ପାର୍ଟିର ଆୟୋଜନ କରିଥିଲେ । ଏହି ଫ୍ୟାମିଲି ଫଙ୍କସନରେ ଉଭୟ ପରିବାର ଯୋଗ ଦେଇଥିଲେ ।
- " class="align-text-top noRightClick twitterSection" data="
">
ଏହି ଭାଇରାଲ ଭିଡ଼ିଓରେ ରଣବୀର ଖୁବ ଖୁସିର ସହକାରେ ନାଚୁଥିବା ଦେଖିବାକୁ ମିଳିଛି । 'ଖଲିବଲି' ଗୀତରେ ରଣବୀର ପିତା ଜଗଜିତ ସିଂ ଭବନାନୀଙ୍କ ସହିତ ମଧ୍ୟ ଖିଲଜି ଅନ୍ଦାଜରେ ନାଚିଥିଲେ । ଏହି ବାପା-ପୁଅ ଡୋ ଧୁମଧଡ଼ାକ ନାଚିଥିବା ଭିଡ଼ିଓରେ ଦେଖିବାକୁ ମିଳିଛି । ଅନ୍ୟ ଏକ ଭିଡ଼ିଓରେ ରଣବୀର ମାଆ ଅଞ୍ଜୁଙ୍କ ସହିତ ମଧ୍ୟ ନାଚିଥିବା ଦେଖିବାକୁ ମିଳିଛି । ରଣବୀର ମାଆଙ୍କ ସହ ନାଚୁଥିବା ବେଳେ ତାଙ୍କୁ ପରିବାରର ଅନ୍ୟ ସଦସ୍ୟମାନେ ମଧ୍ୟ ଉତ୍ସାହିତ କରିଥିଲେ ।
ଅନ୍ୟ ଏକ ଭିଡ଼ିଓରେ ରଣବୀର 'ନସେ ସେ ଚଢ ଗୟି ହୋୟେ' ଗୀତରେ ନାଚୁଥିବା ବେଳେ ଦୀପିକା ଏକ କାଉଚରେ ବସି ତାଙ୍କ ଡ୍ୟାନ୍ସକୁ ଉପଭୋଗ କରୁଥିବା ମଧ୍ୟ ଦେଖିବାକୁ ମିଳିଛି । ରଣବୀରଙ୍କ ଫିଲ୍ମକୁ ନେଇ ଆଲୋଚନା କଲେ, ରଣବୀର କିଛି ଦିନ ତଳେ ନିଜର ଆଗାମୀ ଫିଲ୍ମ 'ରକି ଔର ରାନୀ କି ପ୍ରେମ କାହାନୀ'ର ସୁଟିଂ ଆରମ୍ଭ କରିଛନ୍ତି । ଏଥିରେ ତାଙ୍କ ସହ କଳାକାର ଭାବେ ଆଲିଆ ଭଟ୍ଟ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
