ମୁମ୍ୱାଇ: କରୋନାଭାଇରସ ଯୋଗୁଁ ସାରା ଦେଶରେ ଲକଡାଉନ ପଡିଛି । ଏନେଇ ଲୋକମାନେ ଘରେ ଅଛନ୍ତି । କିନ୍ତୁ ମେଡିକାଲ କର୍ମଚାରୀ, ସଫେଇ କର୍ମଚାରୀ, ପୋଲିସ କର୍ମଚାରୀଙ୍କ ପରି ଲୋକମାନେ ଆମକୁ ସେବା କରିବାକୁ ବାହାରକୁ ଯାଉଛନ୍ତି । ଏହି ସମସ୍ତ କର୍ମଚାରୀ କ୍ରମାଗତ ଭାବରେ ନିଜ ଜୀବନକୁ ବିପଦରେ ପକାଉଛନ୍ତି ।
ଏହି ସମୟରେ ଅଭିନେତ୍ରୀ ବିଦ୍ୟା ବାଲାନ ମଧ୍ୟ ସଫେଇ କର୍ମଚାରୀଙ୍କୁ ଧନ୍ୟବାଦ ଜଣାଇଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେଉଛି । ଲୋକମାନେ ଏହି ଭିଡିଓକୁ ବହୁତ ଭଲପାଉଛନ୍ତି ଏବଂ ସେମାନଙ୍କର ମତାମତ ଦେଉଛନ୍ତି ।
ଏହି ଭିଡିଓରେ ଜଣେ ସଫେଇ କର୍ମଚାରୀ ରାସ୍ତାରୁ ଅଳିଆ ଉଠାଉଥିବା ଦେଖାଯାଉଛି । ଏଥି ସହିତ ବିଦ୍ୟା ବାଲାନ ସେହି ସଫେଇ କର୍ମଚାରୀଙ୍କୁ ଧନ୍ୟବାଦ ଦେଉଛନ୍ତି । ବିଦ୍ୟା ଏଥିରେ କହୁଛନ୍ତି ଯେ, 'ଧନ୍ୟବାଦ, ଭଗବାନ ତୁମକୁ ସର୍ବଦା ଆଶୀର୍ବାଦ କରନ୍ତୁ' । ବର୍ତ୍ତମାନ ଏହି ଭିଡିଓଟିରେ ଲୋକମାନେ ଅଭିନେତ୍ରୀଙ୍କୁ ମନ୍ତବ୍ୟ ଦେଉଛନ୍ତି ଏବଂ ପ୍ରଶଂସା କରୁଛନ୍ତି ।
ବ୍ୟୁରୋ ରୁପୋର୍ଟ, ଇଟିଭି ଭାରତ
