ମୁମ୍ବାଇ: ବିକ୍କୀ କୌଶଲଙ୍କ ବ୍ଲକବଷ୍ଟର ଫିଲ୍ମ 'ଉରି: ଦ ସର୍ଜିକାଲ ଷ୍ଟ୍ରାଇକ' ଏବେ ମଧ୍ୟ ବକ୍ସ ଅଫିସରେ କଲେକ୍ସନ କରିବାରେ ଲାଗିଛି । ଏହି ଫିଲ୍ମଟି ବକ୍ସ ଅଫିସରେ ଜବରଦସ୍ତ କଲେକ୍ସନ କରି ବିକ୍କୀଙ୍କୁ ରାତାରାତି ଟପ ଷ୍ଟାର କରିଥିଲା । ଫିଲ୍ମଟି ଏବର୍ଷ ଜାନୁଆରୀ 11ରେ ରିଲିଜ ହୋଇଥିଲା । ଅନ୍ୟପଟେ ବିଶ୍ବସ୍ତରରେ ଫିଲ୍ମଟି 342 କୋଟି ଆୟ କରି ନୂଆ ରେକର୍ଡ ସୃଷ୍ଟି କରିଥିଲେ । ଦର୍ଶକଙ୍କ ମଧ୍ୟ ଫିଲ୍ମ ଉପରେ ଶାନଦାର ପ୍ରତିକ୍ରିୟା ଦେଇଛନ୍ତି । ଏବେ ଫିଲ୍ମଟି ପୁଣିଥରେ ଚର୍ଚ୍ଚାରେ । ଏହି କାରଣ ପାଇଁ ଫିଲ୍ମଟି ପୁଣି ଥରେ ରିଲିଜ ହେବାକୁ ଯାଉଛି ।
ଆଜ୍ଞା ହଁ, ମହାରାଷ୍ଟ୍ରରେ 'ଉରି' ଦ୍ବିତୀୟଥର ଜୁଲାଇ 26 ତଥା ଆସନ୍ତାକାଲି କାରିଗଲ ବିଜୟ ଦିବସ ଅବସରରେ ରିଲିଜ ହେବା ଖବର ବର୍ତ୍ତମାନ ଜୋର ଧରିଛି ।
ପ୍ରକାଶ ଥାଉକି ଏହି ଫିଲ୍ମର ନିର୍ଦ୍ଦେଶକ ଆଦିତ୍ୟ ଧର କରିଥିଲେ । ଫିଲ୍ମଟି 2016ରେ ହୋଇଥିବା ଭାରତୀୟ ସେନା ପାକିସ୍ତାନର ଆତଙ୍କବାଦୀ ଆଡ୍ଡା ଉପରେ କରିଥିବା ସର୍ଜିକାଲ ଷ୍ଟ୍ରାଇକ ଉପରେ ଆଧାରିତ । ଭାରତୀୟ ସେନା ଏହି ଅପରେଶନ ଉରି ଆକ୍ରମଣ ପରେ କରିଥିଲେ । ଉରି ଆକ୍ରମଣରେ ଭାରତର 17 ଯବାନ ଶହୀଦ ହୋଇଥିଲେ ।
