କୋରୋନାରେ ଆକ୍ରାନ୍ତ କୁମାର ସାନୁ

ପ୍ରଖ୍ୟାତ ଗାୟକ କୁମାର ସାନୁ କୋରୋନା ଆକ୍ରାନ୍ତ ଥିବା ନେଇ ଗୁରୁବାର କେଏସ ମ୍ୟୁଜିସିଆନ୍ ଟିମ୍ ଫେସବୁକ୍ ପେଜରେ ସୂଚନା ଦେଇଛନ୍ତି ।

ନୂଆଦିଲ୍ଲୀ: ପ୍ରଖ୍ୟାତ ଗାୟକ କୁମାର ସାନୁ କୋରୋନା ଆକ୍ରାନ୍ତ । ଏନେଇ ଗୁରୁବାର କେଏସ ମ୍ୟୁଜିସିଆନ୍ ଟିମ୍ ଫେସବୁକ୍ ପେଜରେ ସୂଚନା ଦେଇଛନ୍ତି । ମ୍ୟୁଜିସିଆନ ଟିମ୍ କେଏସ୍ ଟ୍ବିଟରରେ ଲେଖିଛନ୍ତି, ଦୁର୍ଭାଗ୍ୟବଶତଃ ସାନୁ ଦା କୋରୋନା ଆକ୍ରାନ୍ତ ହୋଇଛନ୍ତି । ଦୟାକରି ତାଙ୍କ ସୁସ୍ଥ କାମନା କରନ୍ତୁ । ଧନ୍ୟବାଦ ।

ତେବେ 62 ବର୍ଷୀୟ ଗାୟକ କୁମାର ସାନୁଙ୍କ ଠାରେ କୋରୋନାର କୌଣସି ଲକ୍ଷଣ ଅଛି କି ନାହିଁ ଫେସବୁକ୍ ପୋଷ୍ଟରେ ସ୍ପଷ୍ଟ କରାଯାଇନାହିଁ । ତେବେ ଖବର ପ୍ରକାଶ ପାଇବା ପରେ ତାଙ୍କର ଅଗଣିତ ଫ୍ୟାନ ତାଙ୍କ ସୁସ୍ଥ କାମନା କରିଛନ୍ତି ।