ମୁମ୍ବାଇ: ରବିବାର ହାତକୁ ଦି ହାତ ହେବେ ବଲିଉଡ ହିରୋ ବରୁଣ ଧୱନ । ନିଜ ପିଲାଦିନ ସାଙ୍ଗ ନତାଶାଙ୍କୁ ବିବାହ କରିବେ ବରୁଣ । ଅଲିବାଗରେ ପହଞ୍ଚିଛନ୍ତି ଉଭୟଙ୍କ ପରିବାର ସଦସ୍ୟ ଓ କିଛି ଷ୍ଟାର୍ସ ।
- " class="align-text-top noRightClick twitterSection" data="
">
ରିପୋର୍ଟ ଅନୁଯାୟୀ , କୋରୋନା ମହାମାରୀ ଯୋଗୁଁ ବରୁଣ ଓ ନତାଶାଙ୍କ ବାହାଘରରେ ମାତ୍ର 40 ଜଣ ଅତିଥି ସାମିଲ ହେବେ ବୋଲି ଶୁଣିବାକୁ ମିଳିଛି । ଏମାନଙ୍କ ମଧ୍ୟରେ ଉଭୟଙ୍କ ପରିବାର, ଘନିଷ୍ଠ ବନ୍ଧୁ ଏବଂ ଇଣ୍ଡଷ୍ଟ୍ରିର କିଛି କଳାକାରଙ୍କ ନାମ ସାମିଲ ଅଛି ।
ଯାହାକୁ ନେଇ ପ୍ରଶଂସକମାନେ ବିବାହ ସମାରୋହର ଫଟୋକୁ ଉତ୍ସାହର ସହିତ ଅପେକ୍ଷା କରିଛନ୍ତି । କଡା ସୁରକ୍ଷା ହେତୁ ବିବାହ ସ୍ଥଳର କିଛି ଫଟୋ ସାମ୍ନନାକୁ ଆସିନାହିଁ । ଏହା ମଧ୍ୟରେ କରଣ ଜୋହର ଏବଂ ମନୀଷ ମଲହୋତ୍ରାଙ୍କ ସମେତ ଅନେକ ଅତିଥି ବରୁଣଙ୍କ ବିବାହ ସ୍ଥଳ ଆଲିବାଗରେ ପହଞ୍ଚିଛନ୍ତି । କିନ୍ତୁ ବିଶେଷ କଥା ହେଉଛି, କରଣ ରାସ୍ତା ବଦଳରେ ଜାହାଜରେ ଆଲିବାଗରେ ପହଞ୍ଚିଥିଲେ ।
ଦମ୍ପତିଙ୍କ ଗୋପନୀୟତାକୁ ସୁନିଶ୍ଚିତ କରିବା ପାଇଁ ଦୁଇ ପରିବାର ଅତ୍ୟନ୍ତ ଯତ୍ନବାନ ହୋଇଛନ୍ତି । ଏହାସହ ବିବାହ ସ୍ଥାନ ବାହାରେ ବଡିଗାର୍ଡ ନିୟୋଜିତ ଅଛନ୍ତି । ଖବର ଅନୁଯାୟୀ ବିବାହ ଅପରାହ୍ନ 4 ଟା ପରେ ହେବ । ପରିବାର ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ହିନ୍ଦୁ ରୀତିନୀତି ଅନୁଯାୟୀ ଧୱନ ଏବଂ ଦଲାଲ ବିବାହ କରିବେ ।
