ମୁମ୍ବାଇ: ହ୍ୟାଣ୍ଡସମ ଅଭିନେତା ବରୁଣ ଧୱନ ବର୍ତ୍ତମାନ ନିଜ ଆଗାମୀ କମେଡି ଡ୍ରାମା ଫିଲ୍ମ ‘କୁଲି ନମ୍ବର-1’କୁ ନେଇ ଖୁବ ବ୍ୟସ୍ତ। ଫିଲ୍ମରେ ତାଙ୍କ ସହ ରୋମାନ୍ସ କରୁଥିବାର ଦେଖାଯିବେ ଚୁଲବୁଲି ଅଭିନେତ୍ରୀ ସାରା ଅଲ୍ଲୀ ଖାନ। ଫିଲ୍ମ ସେଟରେ ଅନେକଥର ଆହତ ହୋଇସାରିଲେଣି ବରୁଣ। ଇତିମଧ୍ୟରେ ପୁଣିଥରେ ସେ ଆହତ ହୋଇଛନ୍ତି। ଏହାର ସୂଚନା ସେ ସୋସିଆଲ ମିଡିଆରେ ଫଟୋ ସେୟାର କରି ଫ୍ୟାନ୍ସଙ୍କୁ ଦେଇଛନ୍ତି।
ନିଜ ପାଦର ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି, ‘got a boobo’ । ଏହାପୂର୍ବରୁ ସେ ସୋସିଆଲ ମିଡିଆରେ ‘କୁଲି ନମ୍ବର-1’ର ଟ୍ରେଲର ରିଲିଜ ହେବାର ହିଣ୍ଟ ଦେଇଥିଲେ। ଆସନ୍ତା କାଲି(ଶୁକ୍ରବାର) ରିଲିଜ ହେବାକୁ ଯାଉଛି ଫିଲ୍ମର ଦମଦାର ଟ୍ରେଲର। ସେହିପରି ଫିଲ୍ମକୁ ମେ 1ରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଉଛନ୍ତି ବରୁଣଙ୍କ ପିତା ତଥା ଫେମସ ନିର୍ମାତା ଡେଭିଡ ଧୱନ।
ଲୋକପ୍ରିୟ ଅଭିନେତା ଗୋବିନ୍ଦା ଓ କରିସ୍ମା କପୁରଙ୍କ ସୁପରହିଟ୍ ଫିଲ୍ମ ‘କୁଲି ନମ୍ବର-1’ର ଏହା ରିମେକ ଫିଲ୍ମ। ଯାହାର ନିର୍ଦ୍ଦେଶନା କରିଥିଲେ ଡେଭିଡ। ପ୍ରକାଶ ଥାଉକି ନିକଟରେ ବରୁଣ ଓ ଶ୍ରଦ୍ଧା କପୁରଙ୍କ ଅଭିନୀତ ଫିଲ୍ମ ‘ଷ୍ଟ୍ରୀଟ ଡାନ୍ସର 3 ଡି’ ରିଲିଜ ହୋଇଥିଲା। ଫିଲ୍ମକୁ ଦର୍ଶକ ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ମିଳିଥିଲା।
