ମୁମ୍ବାଇ: ନିକଟରେ ସୁପରଷ୍ଟାର ହ୍ରିତିକ ରୋଶନ ଓ ଟାଇଗର ଶ୍ରଫଙ୍କ ସୁପରହିଟ୍ ଫିଲ୍ମ ‘ୱାର’ରେ ନଜର ଆସିଥିବା ବାଣୀ କପୁରକୁ ନେଇ ନୂଆ ଚର୍ଚ୍ଚା । ସୋସିଆଲ ମିଡିଆରେ ହେଲେ ହଟହଟା । ବିକିନି ଫଟୋ ପାଇଁ ସହିବାକୁ ପଡିଲା ଟ୍ରୋଲର୍ସଙ୍କ କଟୁ କଥା । ଆଜ୍ଞା ହଁ, ଏମିତି କିଛି ନିକଟରେ ଦେଖିବାକୁ ମିଳିଥିଲା ।
କଥାଟି ହେଲା କି ଗତ 11 ତାରିଖରେ ବାଣୀ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଥିଲେ । ଯେଉଁଥିରେ ସେ ରାମ ନାମରେ ତିଆରି ହୋଇଥିବା ବିକିନି ଟପ ପିନ୍ଧିଥିବାର ନଜର ଆସିଥିଲେ । ତାଙ୍କ ଟପରେ ଭଗବାନ ରାମଙ୍କ ନାମ ଦେଖି ୟୁଜର୍ସ ଆଉ କ୍ରୋଧ ସମ୍ଭାଳି ପାରିନଥିଲେ । ସଙ୍ଗେ ସଙ୍ଗେ ତାଙ୍କୁ ଟ୍ରୋଲ କରାଯିବା ସହ ତାଙ୍କ ନାମରେ ମୁମ୍ବାଇରେ ଏକ ଅଭିଯୋଗ ରୁଜୁ କରାଯାଇଥିଲା । ଏହାସହ ତାଙ୍କୁ ବୟାନ ପାଇଁ ମଧ୍ୟ ଡକାଯାଇଥିଲା ।
ପ୍ରକାଶ ଥାଉକି ମୁମ୍ବାଇର ଏନ ଏନ ଯୋଶୀ ମାର୍ଗ ପୋଲିସ ଷ୍ଟେସନରେ ରମା ସାୱନ୍ତ ନାମର ଜଣେ ମହିଳା ବାଣୀଙ୍କ ନାମରେ ଅଭିଯୋଗ ରୁଜୁ କରିଥିଲେ। ଯେଉଁଥିରେ ଲେଖାଯାଇଥିଲା ଯେ ବାଣୀ ଲୋକଙ୍କ ଧାର୍ମିକ ଭାବନାକୁ ଆହତ କରିଛନ୍ତି । ରମାଙ୍କ ଅନୁଯାୟୀ ପୋଲିସ ତାଙ୍କ ବୟାନ ରେକର୍ଡ କରିବା ପାଇଁ ଡାକିଥିଲା ।
ବାଣୀ ଇନଷ୍ଟାଗ୍ରାମରେ ଟ୍ରୋଲର ହେଲା ପରେ ସେହି ଫଟୋକୁ ହଟାଇ ଦେଇଥିଲେ । ଟ୍ରୋଲ କରି ଜଣେ ୟୁଜର ଲେଖିଥିଲେ, ‘ପ୍ରଶ୍ନ ହେଲା କି ଲୋକ ଏପରି ପୋଷାକ ପିନ୍ଧୁଛନ୍ତି କାହିଁକି । ସେ ସବୁ ଜିନିଷକୁ ଫ୍ୟାଶନ ରୂପେ ବ୍ୟବହାର କରୁଛନ୍ତି । କାରଣ ଆମେମାନେ କୌଣସି ବଡ ଆକ୍ସନ ନେଇ ନାହୁଁ । ଲୋକଙ୍କୁ ବୁଝାଯିବା କଥା ଆଉ ଏପରି ବେକାରୀ କାମ କରିବାକୁମ ଧ୍ୟ ମନା କରାଯିବା କଥା । ଫଟୋକୁ ଶୀଘ୍ର ହଟାଅ ।’
