ହାଇଦ୍ରାବାଦ: ଭିକୀ କୌଶଲ ଷ୍ଟାରର ଫିଲ୍ମ 'ଉରି-ଦି ସର୍ଜିକାଲ ଷ୍ଟ୍ରାଇକ' ରିଲିଜ ହୋଇ ଭାଙ୍ଗିଛି ଅନେକ ବିଗ ବଜେଟ ଫିଲ୍ମର ରେକର୍ଡ । ନିକଟରେ ଫିଲ୍ମଟି ରିଲିଜର ମାତ୍ର 4ସପ୍ତାହ ମଧ୍ୟରେ 200କୋଟି କ୍ଲବରେ ସାମିଲ ହେବା ସହ ସୃଷ୍ଟି କରିଛି ନୂଆ ରେକର୍ଡ ।
ଫିଲ୍ମ 'ଉରି', ଯାହାକି ଜାନୁୟାରୀ 11ତାରିଖରେ ରିଲିଜ ହୋଇଥିଲା । ତାହା ଏବେବି ଭାରତ ତଥା ଭାରତ ବାହାରେ ଲୋକ ଦେଖିବାକୁ ପସନ୍ଦ କରୁଛନ୍ତି । ରିଲିଜର ଚତୁର୍ଥ ସପ୍ତାହରେ ଏହା 200.07କୋଟିର ବ୍ୟବସାୟ କରିସାରିଛି । 'ବାହୁବଳୀ' ପରେ ଏହା ଦ୍ବିତୀୟ ଫିଲ୍ମ ଯାହାକି ବକ୍ସଅଫିସରେ କଡା ଟକ୍କର ଦେଇଛି ।
ଭିକୀ କୌଶଲଙ୍କ ଫିଲ୍ମ 'ଉରି', ଦଙ୍ଗଲ, ସଞ୍ଜୁ, ଟାଇଗର ଜିନ୍ଦା ହୈ, ବଜରଙ୍ଗୀ ଭାଇଜାନ, ପଦ୍ମାବତ ଓ ସୁଲତାନ ଆଦି ଫିଲ୍ମର ବ୍ଲକବଷ୍ଟର ଫିଲ୍ମକୁ ପଛରେ ପକାଇ ରେକର୍ଡ କରିଛି । ଫିଲ୍ମରେ ଭିକୀ କୌଶଲଙ୍କ ସହ ୟାମୀ ଗୌତମ, କୀର୍ତ୍ତୀ କୁଲହାରୀ, ପରେଶ ରାୱଲ ଓ ମୋହିତ ରୈନା ଆଦି ନଜର ଆସିଥିଲେ ।
ଫିଲ୍ମଟି 2016ର ସେପ୍ଟେମ୍ବର ମାସରେ ଜାମ୍ମୁ କାଶ୍ମୀରର 'ଉରି'ରେ ହୋଇଥିବା ସର୍ଜିକାଲ ଷ୍ଟ୍ରାଇକକୁ ନେଇ ଆଧାରିତ । ଫିଲ୍ମଟି ଆଦିତ୍ୟ ଧରଙ୍କ ଦ୍ବାରା ନିର୍ଦ୍ଦେଶିତ ଯାହାକି ଆଦିତ୍ୟଙ୍କର ଡେବ୍ୟୁ ଫିଲ୍ମ ।
