ହାଇଦ୍ରାବାଦ: ଲୋକପ୍ରିୟ ଟଲିଉଡ ଅଭିନେତା ଜଗପତି ବାବୁ ଆଜି (ଫେବୃଆରି 12)ତାଙ୍କର 60ତମ ଜନ୍ମଦିନ ପାଳନ କରୁଛନ୍ତି। ଜନ୍ମଦିନ ଅବସରରେ କୃଷ୍ଣା ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (KIMS) ଡାକ୍ତରଖାନାରେ ସେ ତାଙ୍କର ଅଙ୍ଗ ଦାନ କରିବାକୁ ଗତକାଲି ପ୍ରତିଶୃତି ଦେଇଛନ୍ତି । ଅଭିନେତା ନିଜର ଗୁରୁତ୍ବପୂର୍ଣ୍ଣ ଅଙ୍ଗ ଦାନ କରିବା ସହିତ କହିଛନ୍ତି ଯେ, ଅଙ୍ଗ ଅନ୍ୟମାନଙ୍କ ଜୀବନ ରକ୍ଷା କରିପାରିବ । ସେ ତାଙ୍କ ବନ୍ଧୁ ଏବଂ ପ୍ରଶଂସକମାନଙ୍କୁ ମଧ୍ୟ ଆଗକୁ ଆସି ସେମାନଙ୍କ ଅଙ୍ଗ ଦାନ କରିବାକୁ କହିଛନ୍ତି ।
ସେ ଆହୁରି କହିଛନ୍ତି, ମୁଁ ବିଶ୍ବାସ କରେ ଯେ, ଯଦି ଆମେ ଏହି ସମାଜକୁ କିଛି ଫେରାଇ ପାରିବା, ଯାହାର ଆମେ ଅଂଶ, ତାହା ଆମ ଜୀବନର ପ୍ରକୃତ ଅର୍ଥ ହେବ । ଅନ୍ୟମାନଙ୍କୁ ଦେଖିବା, ନିଶ୍ବାସ ନେବା, ବଞ୍ଚିବାରେ ସାହାଯ୍ୟ କରିବା, ଆମ ମୃତ୍ୟୁ ପରେ ନିଶ୍ଚିତ ଭାବରେ ଶରୀରର ସବୁଠୁ ଭଲ ଜିନିଷ ଯାହାକୁ ଆମେ ଦାନ କରିବାକୁ ଚିନ୍ତା କରିପାରିବା ।
ଅଭିନେତା କହିଛନ୍ତି, ମୁଁ ମୋର ସମସ୍ତ ବନ୍ଧୁ ଏବଂ ସମସ୍ତଙ୍କୁ ଅନୁରୋଧ କରିବି, ଜଣେ ଅଭିନେତା ଭାବରେ ଯେଉଁମାନେ ମୋର କାର୍ଯ୍ୟକୁ ଭଲ ପାଆନ୍ତି ଏବଂ ସେହି ଲକ୍ଷ ଲକ୍ଷ ଲୋକଙ୍କୁ ସାହାଯ୍ୟ କରିବା ପାଇଁ ନିଜ ଅଙ୍ଗକୁ ଦାନ କରିବାକୁ ଚିନ୍ତା କରନ୍ତୁ, ଯେଉଁମାନଙ୍କ ଜୀବନ ଅନ୍ୟଥା ଅନ୍ଧକାରରେ ଅଛି ।
କିମସ୍ ହସପିଟାଲ୍ ଏମଡି ଡକ୍ଟର ବୋଲିନେନି ଭାସ୍କର ରାଓ କହିଛନ୍ତି , ଜଗପତି ବାବୁ ତାଙ୍କ ଅଭିନୟ କ୍ୟାରିୟରରେ ଅନେକ ଭୂମିକା ଗ୍ରହଣ କରିଥିଲେ ଯାହାକି ଅନ୍ୟମାନଙ୍କୁ ପ୍ରେରଣା ଦେଇଥିଲା ଏବଂ ବର୍ତ୍ତମାନ ସେ ତାଙ୍କ ଅଙ୍ଗ ଦାନ କଲେ। ସେ ଜଣେ ପ୍ରକୃତ ହିରୋ ଏବଂ ଲକ୍ଷ ଲକ୍ଷ ସମାଜ ପାଇଁ ପ୍ରକୃତ ପ୍ରେରଣା ପାଲଟିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
