ମୁମ୍ବାଇ: ଆକ୍ସନ ଅଭିନେତା ଟାଇଗର ଶ୍ରଫ ବର୍ତ୍ତମାନ ନିଜର ବହୁ ପ୍ରତିକ୍ଷିତ ଫିଲ୍ମ ‘ୱାର’ର ପ୍ରମୋଶନରେ ବ୍ୟସ୍ତ । ପ୍ରଥମଥର ଟାଇଗର ଏହି ଫିଲ୍ମରେ ନିଜର ଫେଭରେଟ ଅଭିନେତା ହ୍ରିତିକ ରୋଶନଙ୍କ ସହ ଫାଇଟ କରୁଥିବାର ନଜର ଆସିବେ । ଗାନ୍ଧୀ ଜୟନ୍ତୀରେ ଦର୍ଶକ ଗୁରୁ-ଶିଷ୍ୟଙ୍କ ଲଢେଇ ପରଦାରେ ଦେଖିବେ ।
ଇତିମଧ୍ୟରେ ଟାଇଗରଙ୍କ ଫ୍ୟାନ୍ସ ପାଇଁ ଗୁଡନ୍ୟୁଜ ସାମ୍ନାକୁ ଆସିଛି । ଏହି ଗୁଡନ୍ୟୁଜ ଶୁଣି ଖୁସି ହୋଇଯିବେ ଫ୍ୟାନ୍ସ । କଥାଟି ହେଲା କି ସଞ୍ଜୟ ଦତ୍ତଙ୍କ ସୁପରହିଟ୍ ଫିଲ୍ମ ‘ଖଳନାୟକ’ର ସିକ୍ବେଲ ଫିଲ୍ମରେ ଅଭିନୟ କରିପାରନ୍ତି ଟାଇଗର । ଯାହାକୁ ନେଇ ବର୍ତ୍ତମାନ ଚର୍ଚ୍ଚା ଜୋର ଧରିଛି ।
ଶୁଣିବାକୁ ମିଳୁଛି ଯେ ସଞ୍ଜୟ ନିଜର ଏହି ସୁପରହିଟ୍ ଫିଲ୍ମର ସିକ୍ବେଲ ନିର୍ମାଣ କରିବାକୁ ଯାଉଛନ୍ତି । ସୁଭାଷ ଘାଈଙ୍କ ଏହି ନିର୍ଦ୍ଦେଶିତ ଏହି ଫିଲ୍ମରେ ସଞ୍ଜୟଙ୍କ ବ୍ୟତୀତ ଜ୍ୟାକି ଶ୍ରଫ ଓ ମାଧୁରୀ ଦୀକ୍ଷିତ ମୁଖ୍ୟ ଭୀମିକାରେ ଅଭିନୟ କରିଥିଲେ ।
ସଞ୍ଜୟ ନିଜର ଏହି ଫିଲ୍ମରେ ଟାଇଗରଙ୍କୁ କାଷ୍ଟ କରିବାକୁ ଚାହୁଁଛନ୍ତି । ‘ଖଳନାୟକ’ର ସିକ୍ବେଲ କରିବା ପାଇଁ ସଞ୍ଜୟଙ୍କୁ ସୁଭାଷଙ୍କ ପାଖରୁ ରାଇଟ୍ସ ନେବାର ଆବଶ୍ୟକ ଅଛି ।
ଏହି ଅବସରରେ ସୁଭାଷ ଫିଲ୍ମ ସିକ୍ବେଲକୁ ନେଇ ଏକ ସାକ୍ଷାତକାରରେ କହିଥିଲେ କି ସଞ୍ଜୟଙ୍କ ସହ ଅନ୍ୟ ପ୍ରଯୋଜକ ମଧ୍ୟ ରାଇଟ୍ସ ପାଇଁ କଥାବାର୍ତ୍ତା କରିସାରିଛନ୍ତି । କିନ୍ତୁ ସେ ଏଯାବତ ‘ଖଳନାୟକ’ର ରାଇଟ୍ସ ବିକ୍ରି କରିନାହାଁନ୍ତି । ରାଇଟ୍ସକୁ ନେଇ ସେ କିଛି ଦିନ ବିଚାର କଲା ପରେ ବିକ୍ରି କରିବେ କି ନାହିଁ ତାହା ଘୋଷଣା କରିବେ ।
