ନୂଆଦିଲ୍ଲୀ: ବଲିଉଡ ଅଭିନେତା ଟାଇଗର ଶ୍ରଫଙ୍କ ଭଉଣୀ କ୍ରିଷ୍ଣା ଶ୍ରଫ ପ୍ରାୟତଃ ନିଜ ରିଲେସନସିପକୁ ନେଇ ଚର୍ଚ୍ଚାରେ ରହିଥାନ୍ତି । ସୋସିଆଲ ମିଡିଆରେ ସର୍ବଦା ଉଭୟଙ୍କ ରୋମାଣ୍ଟିକ ଫଟୋ ବହୁତ ଭାଇରାଲ ହୋଇଥାଏ ।
ନିକଟରେ ବଏଫ୍ରେଣ୍ତ ଇବାନଙ୍କ ସହ ବ୍ରେକଅପ୍ କରିଥିବା କଥା ସୋସିଆଲ ମିଡିଆରେ କ୍ରିଷ୍ଣା କହିଛନ୍ତି ।
ଲକଡାଉନ୍ ସମୟରେ କ୍ରିଷ୍ଣା ଏବଂ ଇବାନ୍ ଙ୍କ ବହୁ ଫଟୋ ସାମ୍ମନାକୁ ଆସିଥିଲା । ଦୁହେଁ ଲକଡାଉନରେ ଦୀର୍ଘ ସମୟ ଧରି ଏକାଠି ଥିଲେ । ତେବେ ପ୍ରାୟ ଏକ ବର୍ଷର ରିଲେସନସିପ ପରେ ଏବେ ଉଭୟ ଅଲଗା ହୋଇଯାଇଛି ।
ବ୍ରେକଅପ ପରେ କ୍ରିଷ୍ଣା ଇବାନଙ୍କ ସହ ତାଙ୍କର ସମସ୍ତ ଫଟୋକୁ ନିଜ ଇନଷ୍ଟାଗ୍ରାମ ଆକାଉଣ୍ଟରୁ ଡିଲିଟ କରିଦେଛନ୍ତି ।
କ୍ରିଷ୍ଣା ତାଙ୍କ ଇନଷ୍ଟା ଷ୍ଟୋରୀରେ ଲେଖିଛନ୍ତି, "ତୁମେ ସମସ୍ତ ଫ୍ୟାନ୍ କ୍ଲବ୍ ବହୁତ କ୍ୟୁଟ, ସୁନ୍ଦର ଏବଂ ସବୁକିଛି। କିନ୍ତୁ ଦୟାକରି ଇବାନ୍ ସହିତ ଏଡିଟ୍ ହୋଇଥିବା ଫଟୋରେ ମୋତେ ଟ୍ୟାଗ୍ କରିବା ବନ୍ଦ କର । ଆମେ ଆଉ ଏକାଠି ନାହୁଁ" ।
ପ୍ରକାଶ ଥାଉ ଯେ, ତେବେ କ୍ରିଷ୍ଣା ଏବଂ ଇବାନ ଉଭୟଙ୍କ ଅଲଗା ହେବାର କାରଣ ଏପର୍ଯ୍ୟନ୍ତ ଜଣାପଡିନାହିଁ ।
