ହାଇଦ୍ରାବାଦ: ଟାଇଗର ଶ୍ରଫ (Tiger Shroff) ଙ୍କ ଆଗାମୀ ଚଳଚ୍ଚିତ୍ର 'ହିରୋପନ୍ତି ୨'ର ଟ୍ରେଲର ରିଲିଜ ହୋଇଛି । ଟ୍ରେଲରରେ ଫିଲ୍ମ ସହିତ ଜଡିତ ସମସ୍ତ କାଷ୍ଟକୁ ବହୁତ ଚମତ୍କାର ଢଙ୍ଗରେ ପରିଚିତ କରାଯାଇଛି । ଟ୍ରେଲର ରିଲିଜ କରିବାବେଳେ ଟାଇଗର କ୍ୟାପସନରେ ଲେଖିଛନ୍ତି - “ବବଲୁ ଖୋଜିଲେ ନୁହେଁ… ଭାଗ୍ୟରେ ଥିଲେ ମିଳେ ଏବଂ ଆପଣଙ୍କ ଭାଗ୍ୟ ଭଲ ଏଥିପାଇଁ, କାରଣ ମୁଁ ଆପଣଙ୍କୁ ଭେଟିବାକୁ ଏହି ଇଦ୍ରେ ଆସୁଛି ।” ତେବେ ଏହି ଚଳଚ୍ଚିତ୍ର 29 ଏପ୍ରିଲ 2022 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
- " class="align-text-top noRightClick twitterSection" data="">
'ହିରୋପନ୍ତି ୨'ର ଟ୍ରେଲରରେ ଟାଇଗର ଶ୍ରଫ୍ ପୁରା ଆକ୍ସନ ମୁଡରେ ନଜର ଆସିଛନ୍ତି, ସେପେଟେ ନୱାଜୁଦ୍ଦିନ ସିଦ୍ଦିକିଙ୍କୁ ପୁରା ସ୍ବାଗ୍ରେ ଦେଖିବାକୁ ମିଳୁଛି । ଟ୍ରେଲରରେ ସେ ଭିଲେନ୍ ଭୂମିକାରେ ଟାଇଗର ଶ୍ରଫଙ୍କୁ ଏକ ଜବରଦସ୍ତ ଟକ୍କର ଦେଉଥିବାର ନଜର ଆସିଛନ୍ତି । ଯାଦୁକର ଭୂମିକାରେ ନୱାଜ ଏତେ ଖତରନାକ ଦେଖାଯାଉଛନ୍ତି ଯେ ଆପଣ ତାଙ୍କୁ ଦେଖି କାବା ହୋଇଯିବେ । ଟ୍ରେଲରରେ ନୱାଜଙ୍କ ନାମ ଲୈଲା ଏବଂ ଟାଇଗରର ନାମ ବବଲୁ । ଏଥି ସହିତ, ତାରା ସୁତରିଆ ଅନ୍ଦାଜ ମଧ୍ୟ ବହୁତ ଭଲ ଦେଖାଯାଉଛି । ଚଳଚ୍ଚିତ୍ରରେ ତାରାଙ୍କ ଚରିତ୍ରର ନାମ ହେଉଛି ଇନାୟା ।
- " class="align-text-top noRightClick twitterSection" data="
">
ଏହା ବି ପଢନ୍ତୁ: Nawazuddin first look: heropanti 2ରୁ ସାମ୍ନାକୁ ଆସିଲା ଲୈଲାଙ୍କ ଫାଷ୍ଟ ଲୁକ୍
ଅହମ୍ମଦ ଖାନଙ୍କ ନିର୍ଦ୍ଦେଶିତ ହିରୋପନ୍ତି ୨ ଗତ ବର୍ଷ ଘୋଷଣା କରାଯାଇଥିଲା । ଅହମ୍ମଦ ଖାନ ଏବଂ ଟାଇଗରର ଯୋଡି 'ବାଗୀ ୨' ଏବଂ 'ବାଗୀ' ରେ ଦେଖିବାକୁ ମିଳିଛି । ତାଙ୍କର ଚଳଚ୍ଚିତ୍ରକୁ ଦର୍ଶକ ପସନ୍ଦ କରନ୍ତି । ଏଭଳି ପରିସ୍ଥିତିରେ ପ୍ରଶଂସକମାନେ ଆଶା କରୁଛନ୍ତି ଯେ ଅହମ୍ମଦ ଏବଂ ଟାଇଗର ପୁଣି ଥରେ ଏକ ବଡ଼ ଧମାଲ କରିବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
