ହାଇଦ୍ରାବାଦ: ବଲିଉଡର ଲିଟିଲ ସୁପରହିରୋ ଟାଇଗର ଶ୍ରଫ ଡେବ୍ୟୁ ଫିଲ୍ମ 'ହିରୋପନ୍ତି' ରେ ଧମାକାଦାର ଏଣ୍ଟ୍ରି କରିଥିଲେ। ଫିଲ୍ମଟି ବକ୍ସ ଅଫିସ୍ ଏବଂ ପ୍ରଶଂସକଙ୍କ ଠାରୁ ଭଲ ପ୍ରତିକ୍ରିୟା ପାଇଥିଲା । 'ହିରୋପନ୍ତି ୨' ଘୋଷଣା ହେବା ଦିନଠାରୁ ଟାଇଗରଙ୍କ ପ୍ରଶଂସକମାନେ ଏହି ଫିଲ୍ମ ଦେଖିବାକୁ ଚାତକ ପରି ଚାହିଁ ବସିଛନ୍ତି। ବର୍ତ୍ତମାନ ଆମେ ଟାଇଗରର ପ୍ରଶଂସକଙ୍କ ପାଇଁ ଏକ ବଡ଼ ଖବର ଆଣିଛୁ । ତେବେ ପ୍ରଶଂସକଙ୍କୁ 'ହିରୋପନ୍ତି ୨' ପାଇଁ ଆଉ ଅଧିକ ଅପେକ୍ଷା କରିବାକୁ ପଡିବ ନାହିଁ । ଚଳିତ ବର୍ଷ ଏପ୍ରିଲ 29ରେ ଇଦ୍ ଅବସରରେ ଫିଲ୍ମ ମୁକ୍ତିଲାଭ କରୁଛି ଏବଂ ବର୍ତ୍ତମାନ ଟାଇଗର ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି ।
- " class="align-text-top noRightClick twitterSection" data="
">
ଟାଇଗର ଶ୍ରଫ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି। ଏହି ପୋଷ୍ଟକୁ ସେୟାର କରି ଟାଇଗର ତାଙ୍କ ପ୍ରଶଂସକମାନଙ୍କୁ କହିଛନ୍ତି, 'ବନ୍ଧୁଗଣ, ଆପଣଙ୍କୁ ପ୍ରତିଜ୍ଞା ଏଥର ଡବଲ୍ ଆକ୍ସନ୍ ଏବଂ ମନୋରଞ୍ଜନ ହେବ ... ଆସୁଛି ଏଥର ଇଦରେ ।
ଫିଲ୍ମରେ କିଏ ହେବ ଭିଲେନ୍ ?
ଗଣମାଧ୍ୟମ ରିପୋର୍ଟ ଅନୁଯାୟୀ, ଏଥର ଫିଲ୍ମରେ ମୋଷ୍ଟ ଭର୍ସାଟାଇଲ୍ ଅଭିନେତା ନୱାଜୁଦ୍ଦିନ ସିଦ୍ଦିକି ଭିଲେନ୍ ଭୂମିକାରେ ନଜର ଆସିବେ। ଯଦି ଏହା ହୁଏ ତେବେ ପ୍ରଶଂସକଙ୍କ ପାଇଁ ଫିଲ୍ମଟି କମାଲ କରିବ । କାରଣ ନୱାଜୁଦ୍ଦିନଙ୍କ ଅଭିନୟ ହିଁ ଚଳଚ୍ଚିତ୍ରକୁ ହିଟ୍ କରିବାରେ ବଡ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରେ। ଟାଇଗର ଏବଂ ନୱାଜୁଦ୍ଦିନ ପୂର୍ବରୁ ଫିଲ୍ମ 'ମୁନ୍ନା ମାଇକେଲ'ରେ ନଜର ଆସିଥିଲେ।
ଅହମ୍ମଦ ଏବଂ ଟାଇଗରଙ୍କ ଯୋଡି
ଅହମ୍ମଦ ଖାନଙ୍କ ନିର୍ଦ୍ଦେଶିତ ହିରୋପନ୍ତି ୨ ଗତ ବର୍ଷ ଘୋଷଣା କରାଯାଇଥିଲା। ଅହମ୍ମଦ ଖାନ ଏବଂ ଟାଇଗରଙ୍କ ଯୋଡି 'ବାଗୀ ୨' ଏବଂ 'ବାଗୀ' 'ରେ ଦେଖିବାକୁ ମିଳିଥିଲା। ଦର୍ଶକମାନେ ତାଙ୍କ ଚଳଚ୍ଚିତ୍ରକୁ ପସନ୍ଦ କରିଥିଲେ । ଏଭଳି ପରିସ୍ଥିତିରେ ପ୍ରଶଂସକମାନେ ଆଶା କରୁଛନ୍ତି ଯେ ଅହମ୍ମଦ ଏବଂ ଟାଇଗର ପୁଣି ଥରେ ଏକ ବଡ଼ କମାଲ କରିବାକୁ ଯାଉଛନ୍ତି।
ଏହାପୂର୍ବରୁ ଟାଇଗର ଶ୍ରଫ ସୋସିଆଲ ମିଡିଆରେ 'ହିରୋପନ୍ତି-୨'ର ସେଟରୁ ଅନେକ ଫଟୋ ସେୟାର କରିଥିଲେ। ଗୋଟିଏ ପଟୋରେ, ସେ ହାଲୋବିନ୍ ଚେୟାରରେ ବସିଥିବାର ନଜର ଆସିଥିଲେ । ଯେଉଁଥିରେ ଟାଇଗର ଶ୍ରଫଙ୍କ ଲୁକ୍ ସମ୍ପୂର୍ଣ୍ଣ ଭିନ୍ନ ଦେଖାଯାଉଥିଲା । ଏହି ଫଟୋ ସେୟାର କରିବାବେଳେ ସେ ଏକ ସ୍ବତନ୍ତ୍ର ପୋଷ୍ଟ ମଧ୍ୟ ଲେଖିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
