ହାଇଦ୍ରାବାଦ: ଫିଲ୍ମ ‘ହାଉସଫୁଲ’ ସିରିଜର ଚତୁର୍ଥ ସିରିଜ ଖୁବଶିଘ୍ର ଆସିବାକୁ ଯାଉଛି କିନ୍ତୁ ଫିଲ୍ମର କାହାଣୀ ଏବେ ଲିକ ହୋଇଯାଇଛି । ଶୁଣିବାକୁ ମିଳୁଛି ଯେ, କାହାଣୀରେ ପୁର୍ନଜନ୍ମର ଥିମ ଦେଖାଯିବ । ଏହା ସହ ନୱାଜୁବ୍ଦିନ ସିଦ୍ଦିକୀଙ୍କୁ ମଧ୍ୟ ଏଥିରେ ଦେଖିବାକୁ ମିଳିବ ।
ଫିଲ୍ମରେ ଅକ୍ଷୟ କୁମାର ଓ ବବି ଦେଓଲଙ୍କ ଦୁଇଟି ଚରିତ୍ର ରହିଛି । ପ୍ରଥମେ ଅକ୍ଷୟଙ୍କୁ 16 ଖ୍ରୀଷ୍ଟାବ୍ଦୀର ରାଜା ଭାବରେ ଦେଖିବାକୁ ମିଳିବ ଓ ବବି ତାଙ୍କ ଦରବାରୀର ଚରିତ୍ର ନିର୍ବାହ କରିବେ । ଏଥିରେ ଅକ୍ଷୟଙ୍କ ଅଲଗା ଅଲଗା ଲୁକ ଦେଖିବାକୁ ମିଳିବ । ଫିଲ୍ମରେ ନୱାଜୁବ୍ଦିନ ସିଦ୍ଦିକୀଙ୍କୁ ଜଣେ ବାବା ଚରିତ୍ରରେ ଦେଖିବାକୁ ମିଳିବ ।
ତେବେ ଫିଲ୍ମରେ ଏକ ଗୀତର ସୁଟିଂ ମୁମ୍ବାଇରେ ଜୋରସୋରରେ ଚାଲିଛି । ଏହି ଗୀତରେ ନବାଜୁବ୍ଦିନଙ୍କୁ ଡ୍ୟାନ୍ସ କରୁଥିବାର ଦେଖିବାକୁ ମିଳିବ । ତେବେ ହାଉସଫୁଲର ସବୁ ଚ୍ୟାପ୍ଟରରେ ସାଜିଦ ଖାନ ନିର୍ଦ୍ଦେଶନା ଦେଇଥିଲେ ମାତ୍ର ମି'ଠୁ ଆରୋପ ପରେ ତାଙ୍କୁ ଫିଲ୍ମରୁ ବାହାର କରାଯାଇଥିଲା । ଏବେ ଫିଲ୍ମକୁ ଫରାଦ ସାମଜି ନିର୍ଦ୍ଦେଶନା ଦେଉଛନ୍ତି ।
