ମୁମ୍ବାଇ: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଆଜି ସୁଶାନ୍ତ ସିଂ ରାଜପୁତ ସମ୍ବନ୍ଧୀୟ ଡ୍ରଗ୍ସ ମାମଲାରେ ଏକ ସ୍ବତନ୍ତ୍ର ଏନଡିପିଏସ୍ କୋର୍ଟରେ ଚାର୍ଜସିଟ୍ ଦାଖଲ କରିବ। ଏହି ମାମଲାରେ ଅଭିନେତ୍ରୀ ରିଆ ଚକ୍ରବର୍ତ୍ତୀ ଓ ତାଙ୍କ ଭାଇ ସୌଭିକଙ୍କ ସହ ଅନ୍ୟମାନେ ଅଭିଯୁକ୍ତ ସାବ୍ୟସ୍ତ ହୋଇଥିଲେ । ଗତ ବର୍ଷ ଭାଇ-ଭଉଣୀଙ୍କୁ ଗୋଟିଏ ମାସ ପର୍ଯ୍ୟନ୍ତ ଜେଲରେ ରହିବାକୁ ପଡିଥିଲା । ଯାହାପରେ ଦୁଇଜଣଙ୍କ ଜାମିନ ମିଳିଥିଲା ।
ପ୍ରକାଶ ଥାଉକି ସୁଶାନ୍ତଙ୍କ ମୃତ୍ୟୁ ଯାଞ୍ଚ ହେବା ସହ ବଲିଉଡରେ ଚାଲିଥିବା ଡ୍ରଗ୍ସ କାରବାରର ମଧ୍ୟ କଡାକଡି ଯାଞ୍ଚ କରୁଛି ଏନସିବି । ଏଯାବତ ଏହି କେସରେ ଅନେକ ସେଲିବ୍ରିଟିଙ୍କ ନାମ ସାମ୍ନାକୁ ଆସି ସାରିଲାଣି । ସେହିପରି ଅନେକ ଡ୍ରଗ୍ସ ଡିଲରଙ୍କୁ ମଧ୍ୟ ଗିରଫ କରାଯାଇଛି ।
ଡ୍ରଗ୍ସ ମାମଲାରେ ସାମ୍ନାକୁ ଆସିଥିବା ସେଲିବ୍ରିଟିଙ୍କ ମଧ୍ୟରେ ସାରା ଅଲ୍ଲୀ ଖାନ, ରକୁଲ ପ୍ରୀତ ସିଂ, ଦୀପିକା ପାଦୁକୋନ ଭଳି ଅଭିନେତ୍ରୀ ସାମିଲ ଅଛନ୍ତି । ଏମାନଙ୍କୁ ଗତ ବର୍ଷ ପଚରାଉଚରା କରିଥିଲା ଏନସିବି ।
ବ୍ୟୁରୋ ରିପୋର୍ଟ, ଇଟିଭି ଭାରତ
