ହାଇଦ୍ରାବାଦ: ଖୁବ ଶୀଘ୍ର ପରଦାକୁ ଆସିବ ରୋହିତ ସେଟ୍ଟିଙ୍କ ଫିଲ୍ମ ‘ସୂର୍ଯ୍ୟବଂଶୀ’ ଓ ସଲମାନ ଖାନଙ୍କ ‘ଇନଶାଆଲ୍ହା’ । ତେବେ ଦୁଇଟିଯାକ ଫିଲ୍ମ 2020 ଇଦରେ ରିଲିଜ ହେବ ବୋଲି କୁହାଯାଉଥିଲା ମାତ୍ର ରୋହିତ ସେଟ୍ଟି ଏବେ ନିଜ ଫିଲ୍ମର ରିଲିଜ ତାରିଖକୁ ପରିବର୍ତ୍ତନ କରିଛନ୍ତି ।
ଆଗରୁ ସୂର୍ଯ୍ୟବଂଶୀ 2020 ଇଦରେ ରିଲିଜ ହେବାକୁ ଥିବାବେଳେ ଏବେ ଏହା 2020 ମାର୍ଚ୍ଚ 27ରେ ରିଲିଜ ହେବ । ଫିଲ୍ମର ତାରିଖ ପରିବର୍ତ୍ତନ ପରେ ସଲମାନ ରୋହିତ ସହ ଏକ ଫଟୋ ପୋଷ୍ଟ କରି ରୋହିତ ଛୋଟ ଭାଇ ହେବାର ପ୍ରମାଣ ଦେଇଛନ୍ତି ବୋଲି କହିଥିଲେ ।
ତେବେ ସୂର୍ଯ୍ୟବଂଶୀରେ ପ୍ରଥମ ଥର ରୋହିତ ଅକ୍ଷୟ କୁମାରଙ୍କୁ ନେଇ କାମ କରୁଛନ୍ତି । ଏଥିରେ ଅକ୍ଷୟଙ୍କ ସହ କ୍ୟାଟ୍ରିନା କୈଫ ନଜର ଆସିବେ ଅନ୍ୟପକ୍ଷେ 19 ବର୍ଷ ପରେ ସଲମାନ ସଂଞ୍ଜୟ ଲୀଲା ଭଂସାଲିଙ୍କ ସହ କାମ କରିବାକୁ ଯାଉଛନ୍ତି । ଏଥିରେ ସଲମାନ ଆଲିଆ ଭଟ୍ଟଙ୍କ ସହ ରୋମାନ୍ସ କରିବେ ।
