ହାଇଦ୍ରାବାଦ: ପପୁଲାର ଟେଲିଭିଜନ ଅଭିନେତା ମଧୁ ପ୍ରକାଶଙ୍କ ପତ୍ନୀ ଭାରତୀ ଗତ ମଙ୍ଗଳବାର ହାଇଦ୍ରାବାଦ ସ୍ଥିତ ବାସଭବନରେ ଆତ୍ମହତ୍ୟା କରିଛନ୍ତି । ଆତ୍ମହତ୍ୟାର କାରଣ ଜାଣିଲେ ଆପଣ ଆଶ୍ଚର୍ଯ୍ୟ ହେବେ । ପତି ସୁଟିଂରୁ ଫେରିବାରେ ବିଳମ୍ବ କରୁଥିବାରୁ ସ୍ତ୍ରୀ ଆତ୍ମହତ୍ୟା କରିଛନ୍ତି ।
ଏସଏସ ରାଜମୌଲୀଙ୍କ ଫିଲ୍ମ ବାହୁବଳୀରେ ମଧୁ ପ୍ରକାଶ ଅଭିନୟ କରିଛନ୍ତି । ସୂଚନାଯୋଗ୍ୟ, ମଧୁ ସଂନ୍ଧ୍ୟା 7ଟା 30 ମିନିଟରେ ଘରକୁ ଫେରିବା ସମୟରେ ଘର କବାଟ ବାଡେଇଥିଲେ ମାତ୍ର କବାଟ ନଖୋଲିବାରୁ ପଡୋଶୀଙ୍କ ସହାୟତାରେ ଘରେ ପ୍ରବେଶ କରିଥିବା ପରେ ପତ୍ନୀଙ୍କ ମୃତଦେହ ଝୁଲନ୍ତା ଅବସ୍ଥାରେ ଦେଖିବାକୁ ପାଇଥିଲେ ।
ଏହାପୂର୍ବରୁ ମଧୁଙ୍କୁ ଜଲଦି ଆସିବାକୁ କହିଥିଲେ । ଯଦି ମଧୁ ଜଲଦି ନଆସନ୍ତି ତେବେ ସେ ଆତ୍ମହତ୍ୟା କରିଦେବେ ବୋଲି ଧମକ ଦେଇଥିଲେ । 2015ରେ ଦୁହିଁଙ୍କ ବିବାହ ହୋଇଥିଲା । ପତ୍ନୀଙ୍କ ଆତ୍ମହତ୍ୟା ପରେ ସେ ସାଙ୍ଗେ ସାଙ୍ଗେ ପୋଲିସକୁ ଜଣାଇଥିଲେ । ଏହାପରେ ଭାରତିଙ୍କ ଶବ ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଯାଇଥିଲା ।
