ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ପ୍ରତିଦିନ କିଛି ନା କିଛି ନୂଆ ଖୁଲାସା ହେଉଛି ।
ଆଜିକାଲି ବିହାର ପୋଲିସର ଏକ ଟିମ୍ ମୁମ୍ବାଇରେ ଏହି ମାମଲାର ତଦନ୍ତ କରୁଛି । ଯେଉଁଥିରେ ଅନେକ ସେଲିବ୍ରିଟିଙ୍କ ବୟାନ ରେକର୍ଡ କରାଯାଉଛି ।
ଏସବୁ ମଧ୍ୟରେ ଅଭିନେତ୍ରୀ ତନୁଶ୍ରୀ ଦତ୍ତାଙ୍କ ଏକ ଭିଡିଓ ଦେଖିବାକୁ ମିଳିଛି । ଯେଉଁଥିରେ ସେ କହିଛନ୍ତି ଯେ, ତାଙ୍କର ମୁମ୍ବାଇ ପୋଲିସଙ୍କ ଉପରେ ଜମା ବିଶ୍ୱାସ ନାହିଁ ।
- " class="align-text-top noRightClick twitterSection" data="
">
ତନୁଶ୍ରୀ ସୁଶାନ୍ତଙ୍କ ଆତ୍ମହତ୍ୟା ମାମଲାରେ ସର୍ବସାଧାରଣରେ ନିଜର ମତ ପ୍ରକାଶ କରିଛନ୍ତି ।
ତନୁଶ୍ରୀ ଭିଡିଓରେ ପ୍ରଶଂସକଙ୍କ ସହ ଲାଇଭ୍ ଚାଟ୍ ରେ ଥିବାବେଳେ ସେ ସୁଶାନ୍ତଙ୍କ ଆତ୍ମହତ୍ୟା ମାମଲା ସମେତ ବଲିଉଡର ଅନେକ ପ୍ରସଙ୍ଗରେ ଖୋଲାଖୋଲି ଭାବେ କହିଛନ୍ତି ।
ସେ କହିଛନ୍ତି, ନ୍ୟାୟପୂର୍ଣ୍ଣ ତଦନ୍ତ ମାମଲାରେ ମୁମ୍ବାଇ ପୋଲିସକୁ ଆଦୌ ବିଶ୍ୱାସ କରାଯାଇପାରିବ ନାହିଁ । ଏଭଳି ମାମଲା ଗୁଡ଼ିକର ମୁକାବିଲା ପାଇଁ ସେମାନେ ଅଭିଯୁକ୍ତଙ୍କୁ ଜାଣନ୍ତି ଏବଂ ଆରମ୍ଭରୁ ବହୁ ନେତାମାନଙ୍କୁ ଭେଟିଥାନ୍ତି ।
ସୁଶାନ୍ତଙ୍କ ମୃତ୍ୟୁ ମାମଲାରେ ପୋଲିସ ନିରୀହ ଲୋକଙ୍କୁ ଡାକି 9 ରୁ 10 ଦିନ ଧରି ବସିବେ କିନ୍ତୁ ଦୂରଦୂରାନ୍ତରେ ନ୍ୟାୟ ମିଳିବ ନାହିଁ । ଯଦି ନ୍ୟାୟ ଚାହୁଁଛ ତେବେ ପୋଲିସ ତଦନ୍ତରେ ବିଶ୍ବାସ କରନାହିଁ । ପୋଲିସ ହେଉଛି କେବଳ ଠକ, ଯେଉଁମାନେ ଜନସାଧାରଣଙ୍କୁ ବୋକା ବନାଇବା ପାଇଁ ବସିଛନ୍ତି । ତେଣୁ ଏହି ମାମଲାରେ ସିବିଆଇ ତଦନ୍ତ କରାଯିବା ଉଚିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
