ମୁମ୍ବାଇ: ଅଭିନେତ୍ରୀ ଦୀପିକା ପାଦୁକୋନ ଓ ରଣବୀର କପୁରଙ୍କ ଅଭିନୀତ ଫିଲ୍ମ ‘ତମାଶା’ ରିଲିଜକୁ ଶୁକ୍ରବାର 5 ବର୍ଷ ପୂରଣ ହୋଇଥିଲା । 2015 ନଭେମ୍ବର 27ରେ ରିଲିଜ ହୋଇଥିଲା ଏହି ରୋମାଣ୍ଟି ଡ୍ରାମା ଫିଲ୍ମ । ଏହି ଅବସରରେ ବି-ଟାଉନର ପଦ୍ମବତୀ ଦୀପିକା ପୁରୁଣା ସ୍ମୃତି ସେୟାର କରି ଚର୍ଚ୍ଚାରେ । ଲୋକପ୍ରିୟ ନିର୍ଦ୍ଦେଶକ ଇମତିଆଜ ଅଲ୍ଲୀଙ୍କ ଏହି ଫିଲ୍ମକୁ ମିଶ୍ରିତ ପ୍ରତିକ୍ରିୟା ମିଳିଥିଲା ।
ଫିଲ୍ମରେ ତାରା ମାହେଶ୍ବରୀ ଭୂମିକାରେ ଅଭିନୟ କରିଥିଲେ ଦୀପିକା । ଯିଏ ଜଣେ ଲଭିଂ ଝିଅ ଆଉ ସବୁବେଳେ ଦେଶବିଦେଶ ଭ୍ରମଣ କରିବାକୁ ପସନ୍ଦ କରୁଥିଲେ । 5 ବର୍ଷ ପୂରଣ ଅବସରରେ ସୋସିଆଲ ମିଡିଆ ପ୍ରୋଫାଇଲ ନେମ ବଦଳାଇ ରଣବୀରଙ୍କ ସହ ନିଜର ଏକ ପୁରୁଣା ଫଟୋ ପୋଷ୍ଟ କରିଥିଲେ । ଯାହା ବର୍ତ୍ତମାନ ଖୁବ୍ ଭାଇରାଲ ହେଉଛି ।
ସେହିପରି ଫ୍ୟାନକ୍ଲବ ଇନଷ୍ଟାଗ୍ରାମ ଷ୍ଟୋରିରେ ସେୟାର ହୋଇଥିବା ଦୀପିକାଙ୍କ ଏକ ପୋଷ୍ଟରେ ଲେଖାଯାଇଛି, ‘ଫ୍ୟାନ ଆଟ୍ ଫ୍ରାଇଡେ ।’ ଖାଲି ଏତି ନୁହଁ ଅନେକ ଟ୍ବିଟର ୟୁଜର ମଧ୍ୟ ଫିଲ୍ମ ରିଲିଜ ଆନିଭର୍ସୀ ସୋସିଆଲ ମିଡିଆରେ ସେଲିବ୍ରେଟ କରିଛନ୍ତି ।
ଜଣେ ଫ୍ୟାନ ଲେଖିଛନ୍ତି, ‘5 ବର୍ଷରେ ତମାଶା । ବଲିଉଡର ବହୁତ ଫିଲ୍ମ ଆସୁଛି, ଯାଉଛି । ହେଲେ ରଣବୀର ଓ ଦୀପିକାଙ୍କ ତମାଶା ଫିଲ୍ମକୁ କେବେ ଭୁଲି ହେବନାହିଁ । ଏହି ଫିଲ୍ମ ସବୁବେଳେ ସ୍ପେଶାଲ ଫିଲ୍ମ ରୂପେ ସମସ୍ତଙ୍କ ମନରେ ରହିବ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଇମତିଆଜ ।’
@IANS
