ମୁମ୍ବାଇ: ବି-ଟାଉନର ଚୁଲବୁଲି ଅଭିନେତ୍ରୀ ତାପସୀ ପନ୍ନୁ ନିକଟରେ ରିଲିଜ ହୋଇଥିବା ଅକ୍ଷୟ କୁମାରଙ୍କ ଫିଲ୍ମ ‘ମିଶନ ମଙ୍ଗଲ’ରେ ନଜର ଆସିଥିଲେ । ଫିଲ୍ମର ସଫଳତାକୁ ବର୍ତ୍ତମାନ ଖୁବ୍ ଏନଜୟ କରୁଛନ୍ତି ତାପସୀ । ଆଉ ଜଲଦି ସେ ଭିନ୍ନ ଅବତାରରେ ‘ରଶ୍ମି ରକେଟ’ ଫିଲ୍ମରେ ଦେଖାଯିବେ । ଏଥର ସେ ବୈଜ୍ଞାନିକ ନୁହେଁ ଦୌଡରାଣୀ ରୂପେ ପରଦାରେ ଦେଖାଯିବେ । ଯାହାର ଫାଷ୍ଟ ଲୁକ ଟିଜର ରିଲିଜ ହୋଇଯାଇଛି ।
ଭିଡିଓ ସୌଜନ୍ୟ: ଟ୍ବିଟର@ତରଣ ଆଦର୍ଶ
‘ରଶ୍ମି ରକେଟ’ ଫିଲ୍ମଟି ଗୁଜରାଟର କଚ୍ଛ ଗ୍ରାମର ଜଣେ ଦୌଡରାଣୀଙ୍କ କାହାଣୀକୁ ନେଇ ଆଧାରିତ । ଟିଜର ରିଲିଜର ସୂଚନା ଫ୍ୟାନ୍ସଙ୍କୁ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟ କରି ଦେଇଛନ୍ତି । ଏହି ଟିଜରରେ ତାପସୀ ବାଲିରୁ ଦୌଡି ଦୌଡି ନ୍ୟାସନାଲ ଗ୍ରାଉଣ୍ଡରେ ପହଞ୍ଚୁଥିବାର ନଜର ଆସୁଛନ୍ତି ।
‘ରଶ୍ମି ରକେଟ’ର ନିର୍ଦ୍ଦେଶନା ଆକାଶ ଖୁରାନା କରୁଥିବା ବେଳେ ପ୍ରଯୋଜନା ଦାୟିତ୍ବ ତୁଲାଉଛନ୍ତି ରୋନି ସ୍କ୍ରୁୱାଲା, ନେହା ଆନନ୍ଦ ଓ ପ୍ରଞ୍ଜଲା ଖଣ୍ଡାଡିୟା ।
