ମୁମ୍ବାଇ: ତାପସୀ ପନ୍ନୁ ଓ ଭୂମି ପେଦନେକରଙ୍କ ଫିଲ୍ମ 'ଷାଣ୍ଢ କି ଆଂଖ'ର ଟିଜର ରିଲିଜ ହୋଇଯାଇଛି । ଏହି ଫିଲ୍ମ ବାଗପତର ସୁଟର ଦାଦି ଚନ୍ଦ୍ରା ଓ ପ୍ରକାଶି ତୋମରଙ୍କ ଜୀବନ ଉପରେ ଆଧାରିତ । ଟିଜରରେ ଜେଜେମା’ଙ୍କ ରୋଲରେ ତାପସୀ ଓ ଭୂମି ନଜର ଆସୁଛନ୍ତି । ଟିଜରଟି ଦର୍ଶକଙ୍କୁ ଖୁବ୍ ପ୍ରଭାବିତ କରିବା ନେଇ ଆଶା ବାନ୍ଧିଛନ୍ତି ମେକର୍ସ । କାରଣ ତାପସୀ ଓ ଭୂମି ପ୍ରଥମଥର ପରଦାରେ ବୃଦ୍ଧାଙ୍କ ଭୂମିକାରେ ଅଭିନୟ କରୁଛନ୍ତି ।
ଦୁଇଷ୍ଟାର ସୁଟିଂ ସେଟରୁ ଅନେକ ଫଟୋ ସୋସିଆଲ ମିଡିଆରେ ପୂର୍ବରୁ ସେୟାର କରିଥିବା ଦେଖିବାକୁ ମିଳିଥିଲା । ଫିଲ୍ମ ଏବର୍ଷ ଦୀପାବଳିରେ ବଡ ପରଦାରେ ରିଲିଜ ହେବ । ଟିଜର ରିଲିଜ ଅବସରରେ ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଟିଜରଟି ସେୟାର କରିଛନ୍ତି ।
1 ମିନିଟ 23 ସେକେଣ୍ଡର ଏହି ଟିଜରରେ ତାପସୀ ଓ ଭୂମି 'ଷାଣ୍ଢ କି ଆଂଖ'ରେ ଲକ୍ଷସ୍ଥଳିକୁ ଗୁଳିମାରୁଥିବାର ଦେଖାଯାଉଛନ୍ତି । ଏହାସହ ଫିଲ୍ମରେ ତାଙ୍କ ମଡେଲ ଜିତିବାର କାହାଣୀ ଦେଖିବାକୁ ପାଇବେ ଦର୍ଶକ । ଟିଜରକୁ ଦେଖି ଜଣାପଡି ଯେ ଏବର୍ଷ ଦୀପାବଳିରେ ବାଣ ନୁହେଁ ବକ୍ସ ଅଫିସରେ ଗୁଳିର ଶବ୍ଦ ଶୁଣିବାକୁ ମିଳିବ ।
ଏହି ଫିଲ୍ମ ଜରିଆରେ ସ୍କ୍ରିପ୍ଟ ରାଇଟର ତୁଷାର ହିରାନନ୍ଦାନୀ ନିର୍ଦ୍ଦେଶକ ରୂପେ ଡେବ୍ୟୁ କରିବେ ।
