ମୁମ୍ବାଇ: ବଲିଉଡ଼ ଅଭିନେତ୍ରୀ ତାପସୀ ପନ୍ନୁଙ୍କ ଆଗାମୀ ଫିଲ୍ମ 'ରଶ୍ମି ରକେଟ' ପାଇଁ ରିଲିଜ ତାରିଖ ସୋମବାର ଘୋଷଣା ହୋଇଛି । ଏଥିରେ ସେୟାର ହୋଇଥିବା ତାପସୀଙ୍କ ଏକ ବଡି଼ ଫଟୋରେ ଫ୍ୟାନ୍ସ ବିବାଦୀୟ କମେଣ୍ଟ ଦେଇଥିଲେ । ତେବେ ତାପସୀଙ୍କ ବଡି ପୁରୁଷଙ୍କ ବଡ଼ି ପରି ଦେଖାଯାଉଛି ବୋଲି କହିଥିଲେ । ତାପସୀ ଏଥିରେ ପ୍ରତିକ୍ରିୟା ଦେଖାଇ ଫ୍ୟାନ୍ସଙ୍କୁ ମୁହଁତୋଡ଼ ଜବାବ ଦେଇଛନ୍ତି ।
- " class="align-text-top noRightClick twitterSection" data="
">
ଫ୍ୟାନ୍ସ ଏହି ଫଟୋରେ କମେଣ୍ଟ ଦେଇ ଲେଖିଥିଲେ ଯେ, " ୟେ ମର୍ଦ୍ଦ କି ବଡି ୱାଲି ସିର୍ଫ ତାପସୀ ହି ହୋ ସକ୍ତି ହେ । " ତେବେ ଏଥିରେ ତାପସୀ ତୁରନ୍ତ ପ୍ରତିକ୍ରିୟା ପ୍ରକାଶ କରିଥିଲେ । ତାପସୀ କହିଥିଲେ ଯେ, " ଏହି କଥାଟିକୁ ମନେ ରଖ ଓ ସେପ୍ଟେମ୍ବର ୨୩ ତାରିଖକୁ ଅପେକ୍ଷା କର ।" ଏହି କପ୍ଲିମେଣ୍ଟ ପାଇଁ ମୁୂଁ ବହୁତ ପରିଶ୍ରମ କରିଛିବୋଲି କହିଥିଲେ ତାପସୀ । ବଡି଼କୁ ନେଇ ଟ୍ରୋଲ ହେବା ପରେ ତାପସୀଙ୍କୁ ମଧ୍ୟ ଅନ୍ୟ ଫ୍ୟାନ୍ସମାନେ ସମର୍ଥନ ଜଣାଇଛନ୍ତି ।
ଏହି ଫିଲ୍ମଟି ଅକ୍ଟୋବର ୧୫ ତାରିଖରେ ZEE5ର OTT ପ୍ଲାଟଫର୍ମରେ ରିଲିଜ ହେବ । ସୋମବାର ତାପସୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ପୋଷ୍ଟର ସହିତ ରିଲିଜ ତାରିଖ ମଧ୍ୟ ସେୟାର କରିଛନ୍ତି । ଏହି ଫିଲ୍ମକୁ ଅକର୍ଶ ଖୁରାନା ନିର୍ଦ୍ଦେଶନା ଦେଇଥିବା ବେଳେ ରୋନ୍ନି ସ୍କ୍ରିଉୱାଲା, ନେହା ଆନନ୍ଦ ଓ ପ୍ରଞ୍ଜଲ ଖନ୍ଧଦିୟା ଏହାକୁ ପ୍ରଯୋଜିତ କରିଛନ୍ତି । ରଶ୍ମି ରକେଟର ରଚନା କରିଛନ୍ତି ନନ୍ଦ ପେରିୟାଶାମି, ଅନିରୁଦ୍ଧ ଗୁହା ଓ କନିକା ଧିଲନ । ଏଥିରେ ଅନ୍ୟ କଳାକାର ଭାବେ ସୁପ୍ରିୟା ପାଠକ, ଅଭିଷେକ ବାନାର୍ଜୀ, ପ୍ରୀୟାଂଶୁ ପେନୟୁଲି ଓ ସୁପ୍ରିୟା ପିଲଗାଓଁକର ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
